Home Impuesto Ora cu contribui na instancianan caritativo no tin ningun vrijstelling

Ora cu contribui na instancianan caritativo no tin ningun vrijstelling

119
0
SHARE
- Advertisement -

Luenne Gomez-Pieters di Departamento di Impuesto:

ORANJESTAD   (AAN): Por a tuma nota cu Lotto a bay prensa cu un caso specifico cu ta trata nan. Departamento di Impuesto a haya un veredicto di hues na November aña pasa, di un otro cliente caminda cu e cliente ta bisa cu nan lo kier un tipo di vrijstelling mescos cu tabata conta pa Lotto.

Directora di Departamento di Impuesto, Luenne Gomez-Pieters, den e caso ey hues a dicta cu ora bo tin un negoshi y bo ta bisa cu tur e ganashi di bo negoshi bo ta inverti of den deporte of pa duna un fundacion por ehempel di hende muhe den dificultad of un Fundacion Respetami, e destino di e ganashi no ta determina si bo tin cu paga belasting si of no.

Esey tabata eigenlijk e pregunta cu si tin un negoshi, tur ganashi cu ta genera for di e negoshi, ta dun’e na un instancia of na casonan caritativo, esey ta haci cu e ganashi no tin cu wordo onderworp na winstbelasting y corte a dicta cu no ta asina.

Tabata tin un ruling cu tabata tin na su luga pa specificamente e caso aki, cu a haya e opdracht tambe di corte pa trek’e in.

Esaki tabata un ruling cu inspector a duna na 1986. Ta algo cu ta 32 aña pasa cu a wordo reta awor aki den corte pasobra e otro negoshinan tambe ta bisa cu nan tambe kier e mesun trato cu den e caso aki di un negoshi. Esaki a wordo gechallenged dilanti corte y hues tabata hopi cla den su veredicto.

A bespreek esaki cu minister di finansas, sra. Xiomara Ruiz-Maduro y tambe a manda copia di carta pa minister Dangui Oduber, pa pone nan na altura di e desaroyo riba e tereno aki, mirando cu por ta e tambe tin su impacto riba e subsidionan cu ta wordo duna.

Ora cu tin un veredicto di corte cu ta di tal indole y asina serio, como Departamento, mester naturalmente tene na esaki pero informa tambe e ministernan encarga di loke por bay sosode y esey ta loke Departamento di Impuesto a haci.

Ta asina cu mester bay paga winstbelasting riba sumanan cu Lotto ta genera. BBO caba ta wordo paga. Esey ta pa tur. Den e caso aki winstbelasting ta loke ta haya extra na entrada. E ta conta desde 2018. E no ta conta cu forsa retroactivo. E ta conta desde e aña aki p’adilanti.

 

Ganado di premio

Na Hulanda nos conoce e kansspelbelasting. Esey ta ora cu e ganado ta gana un premio y na Merca tambe. E ta gana premio, despues nan ta kita belasting y loke resta, e ta bay cas cun’e. Aruba no conoce un tipo di kansspelbelasting asina na Aruba. Solamente e negoshante cu ta bende Lotto si ta onderworpen na impuesto di negoshi y BBO y Loonbelasting si tin hende ta traha pa nan.

 

Demanda

Esun cu a demanda Departamento di Impuesto, por compare cu un negoshi di loteria, catochi, etc. Gomez-Pieters a splica.

 

 

- Advertisement -

DUNA COMENTARIO

Please enter your comment!
Please enter your name here