Home Turismo Otro luna un chain-restaurant nobo lo habri na Aruba

Otro luna un chain-restaurant nobo lo habri na Aruba

1093
0
SHARE
- Advertisement -

Restaurant ta ‘dog friendly’ tambe…

ORANJESTAD (AAN): Un cadena di restaurant, cu ta cosechando exito tanto na New Orleans (Louisiana, Merca), como tambe Key West (Florida, Merca), y Guanacaste (Costa Rica) ta preparando pa habri su porta otro luna na Aruba.

Ta trata aki di “Lucy’s Retired Surfers Bar & Restaurant”.  E ta un chain-restaurant procedente di Merca, cu a bira hopi exitoso cu su estilo relahante di beach.  Nan ta mustra di ta ofrece e bebidanan di mas frieu, como tambe e menu mas hot.

E ta un Family Restaurant, pero tambe Dog-Friendly.  Esey nifica cu bo por bay come trankil, hunto cu bo mascota eynan.

E ta bay habri na e lugar unda antes tabata Don Carlos y tambe Carpe Diem, na otro banda di caminda dilanti Crystal Casino.

Lucy’s Retired Surfers Bar & Restaurant a bira popular pa ofrece cuminda favorito di esnan cu ta gusta lama, manera mussels, seared tuna, y avocado fries.  Pues ademas di cuminda di lama, nan tin sandwich, salada.  Nan tin brunch pa weekend tambe.

E restaurant aki ta duna bon bini na esnan cu bin cu nan cacho.  Pues bo por bay come y bo amigo di 4 pata ta acompañabo.

Ora cu Lucy’s a habri na Key West, el a converti su mes den e Bar y Restaurant mas ‘hot’, principalmente danki na e menu cu chefnan tabata sirbi.

Riba e potret por mira e lugar unda cu Lucy’s ta bay habri.  Tambe por mira un bista di nan restaurant na Key West.

 

- Advertisement -

DUNA COMENTARIO

Please enter your comment!
Please enter your name here