Home Gobierno Pa motibo di e medidanan indefini for di Venezuela, Gobierno tin cu...

Pa motibo di e medidanan indefini for di Venezuela, Gobierno tin cu contempla riba un otro opcionnan

175
0
SHARE
- Advertisement -

Segun Minister Xiomara Ruiz-Maduro

ORANJESTAD   (AAN): Minister Sra. Xiomara Maduro a bisa cu el a sinta di manera informal cu e comerciantenan, cu ta na encargo di importa e barconan di fruta cu berdura na nos pais, y cu nan lo ta bezig riba pa un proximo reunion oficial. Tocante e tema aki, minister a relata lo siguiente.

Awor aki despues cu presidente Maduro di Venezuela lo laga e medidanan indefini pa cera e trafico aereo y maritimo cu Aruba, Minister Xiomara Maduro a splica cu gobierno di Aruba tin e responsabilidad di contempla otro decision, unda cu mester haya un alternativa nobo pa amplia e mercado local den e sector di berdura y fruta.

Mas aleu, minister Xiomara Ruiz- Maduro a sigui bisa tabata tin un laso di hopi tempo cu Venezuela pa e parti di comercio y diplomacia. Esakinan ta asuntonan cu ta wordo trata ariba nivel di Reino Hulandes. Pa es motibo aki a sinta cu un delegacion di Venezuela siman pasa, pero no a logra yega na un solucion concreto na e momento aki. E medidanan poni ta pa un tempo indefini, aunke ainda den practica lo mester wak den practica, con “indefini” esaki lo ta.

Na e momentonan aki, alternativanan ta wordo busca, unda cu importadonan a bisa di por busca fruta na otro caminda. Pero esaki ta bin cu cierto gastonan cun’e pa cual nan kiersa di gobierno, si ta tuma decision pa prohibi barconan di Venezuela, bin Aruba. Como mandatario di Economia, e no a tuma un decision ainda. E lo kier sinta oficialmente cu e importadonan di fruta y berdura.

Na momento di un crisis, manera esun di Venezuela, semper tin oportunidad. Awo tin e oportunidad pa pone ordo den locual ta mira cu falta ordo. P.e. e control cu mester tin riba Barcadera, di e barconan cu ta bini. Na e momentonan aki ta hibando e combersacion akinan, pa wak cual ta e decision cu lo tuma a corto plazo. E situacion cu Venezuela ta uno fastioso; ora cu a bin acusacionnan di contrabando, gobierno a bay over na stop importacion di koper for di e pais, bayendo mesa pa dialogo, pa wak cual ta otro productonan cu no mag di ta ariba nos mercado. Pero despues di e reunionnan di diabierna siman pasa, a keda di manda un lista di tur loke ta prohibi, pero esaki tampoco no a yega ainda. Esey, segun minister Xiomara Ruiz- Maduro, ta e situacion na e momento aki.

 

- Advertisement -

DUNA COMENTARIO

Please enter your comment!
Please enter your name here