Home Social Pagara di DIARIO a trece hopi recuerdo y cierto momento hopi tristeza

Pagara di DIARIO a trece hopi recuerdo y cierto momento hopi tristeza

195
0
SHARE
- Advertisement -

ORANJESTAD (AAN):  No ta tur biaha cu un pagara worde cendi, esey ta significa, alegria sin recuerdo.

E pagara di DIARIO di e aña aki, ta un di nan cu sigur pa un rato a trece su alegria cu nos a logra di cera un otro aña, pero di e otro banda e tabata tin su momento di tristesa, recordado cu nos estimado SR. Jossy Mansur, e aña aki, no tey manera tur aña, pa cera e aña cu nos.

Bo por a sinti e bashi aki y a opta pa respet di e fayecimento di Sr. Jossy Mansur, nos no ta haya un dande e aña aki. Porcierto ta bon pahaci un remarke chikito, cu ariba un di e potretnan cu a worde saca di e front di DIARIO, tabata aun un rayo di solo cu a sali for di den e nubianan y a bin directamente ariba e sign di DIARIO, cu tin dilant di nos edificio.

Prome cu e pagara a worde cendi, señora Nuhad Mansur a tene un discurso pa esnan cu por tabata presente, ya cu tabata tin otro ariba caya trahando y otronan cu mester subi mas laat den atardi y a expresa, cu 2017, DIARIO a logra di bolbe ta e corant number 1 di Aruba y tur esey ta danki na un y tur cu diariamente, ta pone hopi esfuerzo, pa asina brinda nos lectornan, cu e miho noticia posible.

Tambe señora Nuhad Mansur a menciona, cu pa 2018, DIARIO ta bay mira diferente cambio, den e forma faborable y cu sigur na final di aña 2018, esaki lo trece hopi alegria pa tur e empleadonan di DIARIO.

Cu esaki nos tur y DIARIO ta manda palabranan di hopi exito na cada un di nos lectornan, nos comerciantenan cu ta kere den e matutino, na nos gobernantenan y na tur esnan cu sa cu DIARIO, ta e corant number 1 di Aruba y cu Todopoderoso drama hopi bendicion ariba cada un di boso durante di henter e 2018.

- Advertisement -

DUNA COMENTARIO

Please enter your comment!
Please enter your name here