Home Impuesto Paketenan di impuesto pa comerciantenan ta cla

Paketenan di impuesto pa comerciantenan ta cla

63
0
SHARE
- Advertisement -

Sra. Meverly Romano, PR di SIA:

ORANJESTAD (AAN) – Relacionista Publico di Servicio di Impuesto di Aruba (SIA), sra. Meverly Romano, a duna di conoce cu e paketenen di impuesto ta cla y cu e ta haci peticion pa comerciantenan bin busca nan pakete, pa evita di paga multa.

Sra. Romano a menciona cu no ta necesario cu clientenan mester core e riesgo di haya multa, door di keda sin busca nan formularionan di declaracion cu nan mester pa e aña 2018, for di Januari te cu December. Y asina ey, nan ta keda al dia cu nan pagonan di belasting.

“Na e clientenan cu tin cu busca nan formularionan na e edificio banda di e oficina di Impuesto principal, por pasa na e porta nr. 4. Ta aconsehable pa e persona bin cu e number personal di e empresa, pa asina facilita e entrega di e paketa pa e bay mas lihe” el a indica.

Na e conseheronan fiscal cu ta atende e asuntonan di belasting Sra. Romano por manda un email cu e lista di nan clientenan, na pakket@impuesto.aw y Departamento di Impuesto ta prepara tur e pakete di e conseheronan y haci palabracion cu nan, ki dia nan clientenan por busca e paketenan.

E conseheronan fiscal mester trece un carta di apoderacion di tur nan clientenan, ora cu nan bin busca e paketenan.

“Departamento di Impuesto kier ta sigur cu nan ta duna e paketenan na e personanan corecto. Pa loke ta BBO, hopi ta e clientenan cu bisa cu nan no por haci e pagonan necesario, pero Departamento di Impuesto ta bisa cu e termino legal ta ancra den ley y no por desvia di esaki.
E momento cu 31 di Januari pasa, por ehempel, entrante 1 di Februari caba e clientenan mester cuminza prepara nan declaracion pa cumpli cun’e entre 1 cu 15 di Februari, cual ta e ultimo fecha. Por compronde cu tin cliente cu no ta keda cla cu e declaracionnan aki, pero pa hala e fecha esey no ta posibel ya cu e fecha ta ancra den ley y mester tene su mes na dje.

Sra. Romano a splica cu semper e cliente, ora cu e no ta alcanza pa haci e declaracion, e por manda un carta unda e ta splica kico ta e situacion cu el a hay’e den dje, y e Inspector di Impuesto lo dicidi si e cliente ta haya exoneracion di e boet of no. No ta aconsehable pa e cliente cay laat tur luna, pero haci nan posible pa nan entrega nan declaracionnan dia 15 di cada luna, pa evita cu nan ta haya gastonan extra cu ta e multa. Asina Sra. Meverly Romano, Relacionista Publico di Departamento di Impuesto a conclui.

- Advertisement -

DUNA COMENTARIO

Please enter your comment!
Please enter your name here