Home Cultura Parada di blaas na Sanicolas, tabata uno hopi colorido

Parada di blaas na Sanicolas, tabata uno hopi colorido

218
0
SHARE
- Advertisement -

ORANJESTAD (AAN)—Diadomingo a tuma lugar e parada di blaas pasado den e cayanan di San Nicolas. E parada a sali na ora, aunke prome cu esey na dos oportunidad, e awacero a spat un poco riba e participantenan, pero esey no a stroba e muchanan di goza di e parada di blaas.

E parada a dura 1 hora y 20 minuut pa pasa y esey sigur ta hopi bon. Mester remarca cu tabata tin algun grupo, cu tabatin e muchanan manera cu ta riba straf nan tabata, y esey a haci cu e muchanan aki no a goza y baila manera tabata di spera di nan.

Nos ta compronde cu esnan cu ta dirigi e gruponan aki, tin hopi responsabilidad pa carga, pero ta Carnaval mi shonnan, e muchanan mester por haya oportunidad di ta un tiki liber pa por balia y goza di e dushi ambiente di Carnaval.

E parada riba su mes tabata hopi bunita. decora cu bunita blaas y sin por laga afo e dushi musica di Carnaval.

Di parti di SMAC, DIARIO, no ta hayando e comunicadonan cu informacionnan necesario, y ta di spera cu esaki haya su debido atencion , y ta solamente cu cooperacion di tur dos banda, nos dushi Carnaval ta esun cu ta sali ganado.

- Advertisement -

DUNA COMENTARIO

Please enter your comment!
Please enter your name here