Home Policial Pareha turista a bira victima di atraco violento riba prome dia di...

Pareha turista a bira victima di atraco violento riba prome dia di aña

344
0
SHARE
- Advertisement -

ORANJESTAD(AAN): Aña Nobo no a habri bon pa turismo na Aruba.  Un golpi fuerte e isla a haya, ora cu mainta un pareha turista a bira victima di un atraco violento.

Mainta apenas algun ora cu aña a caba di habri, a sosode un atraco basta serio riba un pareha turista canando den e area di Emmastraat cu Professor Lorentzstraat.

Esaki a pasa net prome cu 11’or di mainta. Un pareha turista Aleman cu ta di bishita na Aruba a worde atraca canando bayendo supermercado den Emmastraat.

E atracador ta un homber color bruin y bisti cu camisa y carson preto, a bin violentamente riba nan.

E homber tabata arma cu cuchio y durante e atraco brutal a zwaai e obheto, y a corta ambos persona. E cortanan tabata na man y otro partinan di pia.  Su meta tabata pa bay cu e tas!

Asina e atracador a keda lucha cu e turistanan y nan a cay herida nan rudia tambe.

A purba core tras di e atracador cu a bay direccion pabao den mesun caya. E gritonan di e victimanan a pone bisiñanan sali mesora y topa cu e situacion tristo pafo di nan cas net banda di e cruzada cu Uruguaystraat.

A saca un man mesora y ofrece e turistanan bin sinta den veranda, y a cuminza hunta material antiseptico riba e heridanan, cu catuna.  Claro cu mesora a bati alarma.

Polis a yega y pidi presencia di dos ambulance. E bisiñanan mes a cuminsa atende ambos victima cu nan herida pendiente ambulance.

Atraco Team a worde avisa y Polis a cuminsa cu un buskeda rond pa e atracador den area di Socotoro y Madiki.

E turistanan sa bin Aruba caba y ta keda na un Boutique Hotel den Emmastraat.

Segun e pareha herida, nan kier a bay cumpra cos na un Supermarket Asiatico cu ta habri e momento ey. Nan a perde algun 100 Dollar y tambe paspoort cu cellular. Esey ta loke e atracador a logra bay cune.

E bisiña nan cu a mira a logra conta Polis tur cos. Tambe e personal di Atraco Team a keda di bay Hospital pa asina mira ambos victima y papia cu nan.

 

- Advertisement -

DUNA COMENTARIO

Please enter your comment!
Please enter your name here