Home Gobierno Parlamentarionan di reino satisfecho cu rumbo nobo di Aruba

Parlamentarionan di reino satisfecho cu rumbo nobo di Aruba

60
0
SHARE
- Advertisement -

Prome Minister Evelyn Wever-Croes:

ORANJESTAD(AAN)– Segun un comunicado di gobierno cu informacionnan di prome ministro Evelyn Wever Croes, den siman cu a pasa a tuma lugar reunionnan parlamentario di Reino. Parlamentarionan di Aruba, Corsow, Sint Maarten y Hulanda a reuni na Aruba riba diferente tema di interes comun.

Miembronan di Gabinete Wever-Croes a topa cu e Parlamentarionan durante un recepcion ameno na ‘Old Man and the Sea’. Ministernan di e gobierno actual a splica e vision di e Gobierno di Aruba. Tambe a elabora riba e retonan pa por logra e meta.

E tema di finansas publico saludable a bin padilanti y Aruba a indica cu ta trahando riba un plan financiero nobo pa Aruba cu lo wordo presenta na Hulanda tambe. Tambe a indica cu riba tereno di integridad Aruba tin hopi planes, entre otro pa bin cu un Camara di Integridad y tur e leynan necesario pa garantisa integridad den gobernacion. Y cu ta basa riba e dos pilarnan aki cu lo pone e ser humano central, enfocando tur decision di gobierno riba e ser humano.

E relacion cu Reino tambe a wordo enfatisa cu e gobierno aki ta kere den un relacion cu Reino a base di madures politico, kiermen cu Aruba mes ta atende cu su retonan na forma responsabel prome cu bati na porta di Hulanda. Pues di parti di Gobierno di Aruba a sigura e Parlamentarionan cu lo no tin welga di hamber.

E encuentro tabata den bon ambiente y por sinti cu e planes di gobierno a cay den bon tera cerca e hulandesnan.

- Advertisement -

DUNA COMENTARIO

Please enter your comment!
Please enter your name here