Home General Pashent di Aruba a haya muri na Bucaramanga y ainda su curpa...

Pashent di Aruba a haya muri na Bucaramanga y ainda su curpa ta pega na Colombia

222
0
SHARE
- Advertisement -

ORANJESTAD   (AAN): Un persona cu  a nace na Aruba y biba na Aruba ta pega na Colombia morto. El a wordo manda den luna di December pa Bucaramanga y den tres dia cu el a bay parce cu el a muri di un ataca. Su compañe di bida a bay cune y awor aki ta bay haci dos luna pega na Bucaramanga mientras cu Dionisio “Pipo” La Torre ta morto den un cas funeral.

Un situacion fastioso cu ya caba Prome Minister Evelyn Croes y tambe Glenbert Croes ta na altura di e situacion.

Parce cu despues cu Pipo La Torre a bay Colombia, riba costo di AZV, el a wordo interna den Hospital na Colombia. Apenas despues di interne a dicidi di mande cas. Den e caso aki a pone den un lugar caminda nan mester a keda drumi. Eynan el a cuminsa sinti mas malo y a haya un ataca. A pidi pa ambulance cu urgencia y despues di mas cu un ora e ambulance a presenta. E momento ey no por a haci nada mas pa Dionisio “Pipo” La Torre.

Eynan e caminda di cruz a cuminsa. Pa motibo cu Pipo no a fayece den Hospital, e problema pa mande bek a bira grandi te cu awe e ta pega ainda sin por yega Aruba y sin cu e por wordo dera. Awor a presenta un situacion unda ta bisa cu su paspoort ta falso. Un paspoort Venezolano parce cu tambe ta causando un problema pa manda e curpa bek.

Nunca el a haya su paspoort Hulandes. Su mayornan ta di Venezuela y a biba henter nan bida na Aruba y nan yiunan tambe. Siman pasa mes a tuma contacto cu AZV y nan mes parce no tabata sa. A splica nan ariba ariba di e situacion y nan  a keda di bay chek.

Ta AZV mes a mande y a cubri pa su compañe bay cune. E compañe a bisa hasta cu nan no ta atende manera mester ta. El a hasta expresa su mes fuerte contra nan. A pasa pasco y aña nobo sin cu por a yega Aruba bek. Nan kier hasta haci cremacion pero e no a sigui.

A kere cu AZV mester ta responsabel pa e curpa bin bek pero nada. Tin un disgusto grandi cu henter e forma cu e cos ta canando. Mientras cu ta buscando yudanza pa trece e curpa bek, na Aruba ta birando lomba pa e situacion.

Ta seis siman tin cu Pipo La Torre a fayece. Ta poco straño con AZV por manda un hende Colombia y awor e ta pega eybou sin cu por trece pa e haya su entiero cu tur respet. Ken cu e por ta of tabata ta, no ta manera di atende cu un persona. Mirando henter e polemica di paspoort falso etc, awor parce kier pa e yiu bay y nan haci DNA test. Eynan a exigi un suma basta halto na Euro tambe segun e conocirnan.

Siman ta bin y siman ta bay pero nada di keda cla. Aparentemente tin mas keho riba e forma cu ta trata nos hendenan na Bucaramanga. Esnan cu a pasa den dje mes mester sali dilanti y duna nan testimonio.

 

- Advertisement -

DUNA COMENTARIO

Please enter your comment!
Please enter your name here