Home Politica Persecusion politico y no e hende, ta central pa e Gabinete Wever-Croes

Persecusion politico y no e hende, ta central pa e Gabinete Wever-Croes

136
0
SHARE
- Advertisement -

Ex-prome Minister Mike Eman:

ORANJESTAD(AAN): Dia 28 di December Gobierno di Aruba a tene su ultimo rueda di prensa, pa yama ayo na aña 2017 y expone su expectativanan pa 2018.

Durante e conferencia di prensa aki, a scucha loke a bin dilanti for di Minister Presidente sra. Evelyn Wever Croes y Minister di Finanzas sra. Xiomara Ruiz-Maduro.

Premier, Evelyn Wever-Croes, a hiba palabra na prome lugar y por a scuche expresa na diferente ocasion tur loke ya caba a sosode durante aña 2017, unda cu, den e mesun rosea, el a menciona a reitera mas cu un biaha, cu e ser humano ta central.

Sinembargo, awo, e palabra ser humano ta central, parce cu a wordo lubida.

Alomenos esey ta e impresion cu a wordo crea cerca ex-premier mr. Mike Eman, ken a duna un declaracion publico al respecto.

E ex-mandatario a referi na e hecho cu riba e fecha di 29 di December un cantidad di persona cu ta traha den e aparato gubernamental a haya un carta, no un carta via post, sino via e compania priva “Fast Delivery”.

Den e caso aki, ta esun cu a hiba hopi carta pa diferente empleado di gobierno, notificando nan cu e relacion di trabao cu Gobierno ta termina, y cu nan ultimo salario lo wordo paga dia 31 di Januari, 2018.

Sigur un noticia hopi malo cu a drenta riba un fecha, faltando algun ora pa culminacion di e aña. Sigur e lo a bira un fin di aña hopi tristo pa e grupo di hendenan cual retiro a wordo anuncia y firma pa prome minister, mr. Evelyn Wever-Croes, kende, dia 28 di December, a enfoca na mas di un ocasion, cu e ser humano ta central. Sinembargo hopi hende a perde nan trabao, net algun dia prome cu aña a caba.

Ex prome minister y lider di AVP, Mike Eman, a expresa cu nan ta sumamente preocupa. Nan tabata traha na cas di partido den e momentonan di transicion di aña, momento cu famianan ta bin hunto, cu perspectiva pa un aña nobo y enberdad, na momento cu e gobierno nobo a inicia, mirando nan prome pasonan, ya a cuminza teme cu tur locual ta bay mira ta un ripiticion di algo cu Eman mes a biba na 2001, drentando politica nobo nobo, Gobierno di AVP a sali, net e ora ey y Mike Eman a asumi su responsabilidad como lider di fraccion di AVP. E momento ey un cantidad di persona a wordo retira for di gobierno, pasobra cu nan tabata wordo mira como un seyo di AVP. Segun cu e tempo a bay pasa, mas di 30 diensthoofd, no personanan cu ta riba contract, sino personanan cu tabata hefe di departamentonan, a wordo retira.

“Por corda un propaganda politico, cu e tempo ey, sr. Andin Bikker a traha den campaña di 2005, di bula nan cabes. Bo lo kere cu un partner asina den coalicion, cu a biba hunto cu AVP den oposicion, e periodo di persecucion. Persecusion di kita hende, persecusion via di medionan di instruccion na ministerio publico. Persecusion di hendenan cu no tabata naci na Aruba. Persecusion den tur sentido e tempo ey entre 2001 y 2009. Por a spera cu e gobierno cu sinta awo, mirando e historia, mirando cu algun di e partnernan den e coalicion aki mes a biba e persecusion aki, cu lo tabata tin algo otro”, Eman ta lamenta.

Sinembargo e prome dianan di gobernacion caba por a mira persecusion, via di e mesun instrumentonan tambe di haci denuncia contra hende.

“Despues di cuminza cu retiro di tur sorto di forma caminda cu hendenan cu tabata traha den Serlimar, traha paden ta wordo poni pafo. Logicamente ora di mira den e caso di Speed Andrade, den parlamento cu prome biaha den historia prensa ta wordo persigui den e forma aki, pasobra e tin un opinion critico di Gobierno.

“Ya caba a sinti cu e estado di derecho di nos pais ta na peliger y esnan cu ta mas vulnerable, cu ta traha pa gobierno logicamente ta core riesgo cu nan ta bay wordo huzga politicamente, y awe, lamentablemente, ta haya confirmacion cu e mesun mentalidad, e mesun pensamento di persigui hende politicamente ta asina central y no e hende ta central”, segun ex prome minister.

 

 

- Advertisement -

DUNA COMENTARIO

Please enter your comment!
Please enter your name here