Home arte y espectaculo Pintor Gustave Nouel ta comparti su ‘secretonan artistico’ cu otro

Pintor Gustave Nouel ta comparti su ‘secretonan artistico’ cu otro

73
0
SHARE
- Advertisement -

ORANJESTAD (AAN): Pintor profesional Gustave Nouel di Aruba, kende ta estableci na Deventer, cu hopi logro den mundo di Arte, den 2018 lo realisa diferente workshop, presentacion y exposicion na varios cuidad Hulandes. For di tempo cu e tabata bay school na Aruba el a cuminsa desaroya su tecnica internacional di ‘street-sketching’, cu actualmente ta yamando hopi atencion, tambe bou di hubentud.

Hopi hende ta considere un di e pintornan mas conoci di Caribe. GN (gustavenouel.exto.nl) ta gusta comparti su experticio, experiencia y ‘secretonan artistico’ cu coleganan y talentonan jong motiva, riba tur nivel. GN lo tin actividadnan artistico relevante e proximo simannan:
Na Apeldoorn, Royal Talens Experience Centre a invite pa duna un workshop riba diahuebs 18 di januari 2018 di 6:30 pm te 10 :00 pm.

Ademas Royal Talens a invit’e pa duna un Masterclass Nacional e diasabranan 3, 10 y 17 di februari 2018, di 1:30 pm te 5:00 pmr pa pintornan cu tecnica avansa.

E conocido musico di jazz, Delbert Bernabella, ta dispuesto pa ta modelo, tocando diferente instrumento pa e Masterclass Jazz Art di Gustave Nouel aki. Delbert ainda ta creciendo y kier extende e fronteranan jazzy di Aruba den Europa.

Esnan na Hulanda cu kier mas informacion o pa inscribi por yama Royal Talens: 055-5274778.

Na Deventer, entrante di februari su curso di ‘streetsketching’ lo cuminsa tur diaranzon anochi pa tur nivel y tur diamars anochi  e curso ‘pintura di portret’ pa artista avansa. Tin tiki  lugar ta sobra  pa e dos cursonan popular aki na centro cultural Kunstcircuit (kunstcircuit.nl) na Deventer.
Pa mas informacion por tuma contacto cu Kunstcircuit (tel. 0570-665084) of Gustave Nouel (06-26804109).

Na Almere, Gustave Nouel a ser invita pa expone su Jazz Art di 11 di januari te 18 di  februari, na Café op 2 (cafeop2.nl), Stadhuisplein 2, Almere-Stad.
Prome cu e exposicion habri diahuebs dia 11 proximo, Gustave Nouel lo duna un demostracion live di ‘street-sketching’ y personanan interesa lo por sigui un workshop ‘street-sketching di e maestro Arubiano for di 16.00 te 18.30’or. Diadomingo dia 18 di februari, dia di clausura di e exposicion, GN lo duna un workshop ‘jazzy’ cu modelo na e cafe cultural aki.  Pa mas informacion por yama Patrick Mezas, tel. 036-7441040.
Na Groningen, Gustave Nouel lo participa como artista invita especial den e exposicion nacional colectivo titula ‘Vrijheid in Verbondenheid’ den e conocido centro MartiniPlaza for di fin di januari te cu april 2018. Na e apertura GN lo duna un performance street-sketching y entrega e buki ‘Het geloof van Oranje’, conteniendo su pinturanan, na alcalde di Groningen.
Na Hengelo, Gustave Nouel a ser invita pa e Kunstenlab di Deventer pa participa entre e artistanan profesional di Overijssel na e exposicion cu tema ‘Identiteit’. Dia 2 di februari esaki lo cuminsa den e sala oficial ‘Zaal Zuid kunstpodium’ [Oyfo] na Hengelo.
Na Aruba tambe tin plan pa presentacion di un buki especial cu su pintura y preparacion pa Gustave Nouel duna workshop di ‘street-sketching’ pa tur nivel y tambe di ‘pintura di portret’ pa artista mas avansa, na 2018.

- Advertisement -

DUNA COMENTARIO

Please enter your comment!
Please enter your name here