Home Comercio Problema di Venezuela tin su efecto riba fruterianan na Aruba

Problema di Venezuela tin su efecto riba fruterianan na Aruba

228
0
SHARE
- Advertisement -

ORANJESTAD(AAN): E problema di Venezuela ta causando un problema hopi serio pa nos isla. Tin hopi fruteria cu tin baki bashi di tur loke ta productonan cu ta worde yena cu productonan di Venezuela. Tin otro cosnan, pero ningun ta di Venezuela, ta cosnan tambe cu nan ta bende di otro pais. Pero e bakinan bashi ta pone cu e situacion di Venezuela a causa problema pa negoshinan, por ehempel fruteria Frangie.

Sr. Frangie a conta cu e problema awor aki cu no tin mercancia di Venezuela, manera banana, tomati, tur producto cu ta haya di Venezuela, ta haya hopi efecto pa e isla.

Compara cu prijs di Venezuela ta hopi mas barata compara cu Merca. Ta sperando e solucion y lo bay trece carga di Colombia, pero ta hopi mas caro cu Venezuela.

Venezuela ta haci hopi efecto pa e fruterianan, segun sr. Frrangie.  Ban papia un rato di un kilo di tomati Venezuela vs Merca.

E diferencia di prijs di tomati Merca vs Venezuela ta grandi. Un kilo di tomati ta costa casi 14 Florin di Merca y di Venezuela ta costa 5 Florin. E diferencia ta basta.

El a bay un supermarket grandi y nan a cobr’e 25 Florin pa un patia y un patia di Venezuela di 12 kilo ta 5 of 6 Florin. E diferencia ta inmenso. Ta sperando cu Venezuela habri su fronteranan pronto pasobra mester producto di Venezuela.

Segun Sr. Frangie, Esaki a yega di pasa un tempo pasa, pero semper tabata tin un solucion. Pero e cos a bira mas grandi y no sa kico lo bay haci, segun sr. Frangie, si e frontera ta worde habri of no.

E porcentahe ta casi 85 pa 90% di productonan di Venezuela cu ta worde bendi na clientenan. Tin mas cliente cu ta depende di sr. Frangie. Save A Lot ta depende di dje tambe. Tin varios caminda grandi cu ta depende di Venezuela, cu productonan Venezolano. Awor nan tur tin man mara y no tin carga pa ningun hende.

Awor aki sr. Frangie a cera un contracto y tin un barco di Colombia cu ta bin cu producto.  E cargamento for di Colombia lo no yega kizas full bon.  Pasobra ta casi 24 ora riba lama, compara cu Venezuela ta 7 ora. Y e prijs ta mucho mas caro. E producto mester tey. Loke cu sr. Frangie ta bay haya for di Colombia, ta loke e sa busca for di Venezuela. E ta mas caro y mas leu. Esaki supuestamente ta bay yega mañan.

Sr. Frangie ta haya Yuca for di Costa Rica, tin siboyo di Hulanda, tambe di Colombia, appel di Merca. Pero no ta productonan uzabel manera Tomati promenton, banana, productonan original di Venezuela.

- Advertisement -

DUNA COMENTARIO

Please enter your comment!
Please enter your name here