Home Salud Relacion alcohol y cancer awor mas evidente

Relacion alcohol y cancer awor mas evidente

36
0
SHARE
- Advertisement -

ORANJESTAD  (AAN):  E vinculo entre alcohol y cancer a ser clarifica pa medio di un estudio hasi cual ta  indica cu alcohol por provoca cancer door di  bruha e DNA den e celulanan humano, y eventualmente hiba esaki na mutacion. Solamente un pint (glas di 16 ons) di cervez of  un glas grandi de biña pa dia ya ta aumenta e risiko di cancer di boca, garganta, pecho y tripa  significativamente.

Segun un estudio recien realisa e Profesor  Ketan Patel e investigacion a yuda na splica e relacion entre alcohol y cancer. Alcohol por causa daño genetico ireversibel na e reserva di nos curpa di e stem celnan biologico madre.

E investigacion realisa cu a utiliza ratonnan geneticamente modifica, a proporciona e evidencia mas convincente te cu awor cu alcohol por provoca cancer door di  bruha DNA den e celulanan, hibando esaki eventualmente na mutacionnan mortal. Durante e ultimo decada, mas y mas evidencia a bin dilanti cu tin un vinculo entre alcohol y e risiko di contrae varios tipo di cancer.

 

Alcohol ta causa directo di 7 tipo di cancer

E analisis ta implica alcohol den e desaroyo di cancer di pecho, boca, higra, tripa y diferente otro tiponan di cancer mas, hasta cu consumo modera di alcohol.

Profesor Ketan Patel  cu a conduci e trabao den laboratorio MRC di Biologia Molecular na Cambridge a bisa :”Con exactamente alcohol ta causa daño na nos curpa ta controversial.,”

Estudionan anterior a identifica un producto di degradacion di alcohol, yama acetaldehido, cu manera  un toxina, e ta esun cu ta haci daño na e DNA den e celnan. Sinembargo, e estudionan  anterior  a depende riba  concentracionnan extremadamente  halto den acetaldehido y a utiliza celulanan den un tayo enbes di sigui su efectonan den e curpa humano.

E investigacion mas recien a revela cu e acetaldehido ta slice e DNA, causando dañonan permanentemente, si e efectonan di e toxina no wordo neutraliza mediante dos mecanismo natural di defensa. E prome nivel di defensa ta elimina e acetaldehido y e di dos ta drecha e daño den e DNA.  Door di geneticamente “knock out” e dos capanan aki di defensa, e cientificonan  por a demostra e dañonan cu a  acumula den e DNA te ora cu e celulanan eventualmente a stop di funciona completamente.

E estudio a revela cu e daño na e DNA a bira grave ora cu e ratonnan tawata falta e prome nivel di defensa – un enzima protector yama aldehido deshidrogenasa 2 (ALDH2), cu ta preveni acumulacionnan potencialmente toxico di acetaldehido.

Aproximadamente e 8% di e poblacion mundial, mas cu tur esunnan  di descendencia asiatico oriental, tin un deficiencia hereda den ALDH2 (tin biaha conoci como mutacion “flushing”), cu por splica e prevalencia  halto di cancer di esofago ( Parti di e stoma cu ta comunica cu tripa).

E estudio, cu a ser publicado den e revista Nature, ta enfoka riba  e celulanan di sanger, cu e curpa ta depende di dje continuamente pa e suministro di sanger fresco durante  henter nos bida.

Celulanan di sanger a ser selecciona pasobra nan por multiplica facilmente, permitiendo e DNA pa ser secuencia mas facilmente, pero  cientificonan ta kere cu e efectonan di alcohol por ta similar den otro tiponan di celula.

E studio a descbri cu: Den e ratonnan cu ta falta tur dos defensanan natural contra e alcohol, nan capacidad di produci sanger fresco a keda completamente destrui despues di consumi alcohol na midi durante dies dia.

Ora a investiga e celulanan biologico madre esaki a demostra cu e DNA a ser bruha hasta na e punto cu e celulanan ya no tawata funcciona.

E  estudio a destaca cu si e no ta capas di procesa alcohol efectivamente, esaki por  conduci na un mayor risico di daño na e DNA relaciona cu e alcohol y por lo tanto, cierto tiponan di cancer, ” Patel a bisa.

“Pero ta importante pa recorda cu si bo ta clear/leu di alcohol y e sistemanan di reparacion di DNA no ta perfecto , cu  alcohol ainda por causa cancer di diferente manera, incluso den personanan cu nan mecanismo di defensa ta intacto”.

Prof  Magdalena Zernicka-Goetz, un biologo di stem cel di e Universidad di Cambridge, a bisa cu e resultadonan ta hopi  importante: “esaki ta e bunita trabao  cu ta pone dede riba e base molecular pa compronde e link entre e alcohol y e risico creciente de cancer y e stemcelnan/celulanan madre.

Prof. Linda Bauld, un experto den prevencion di cancer na e Cancer Research Gran Britania, y cu a financia e investigacion parcialmente , a bisa: “E investigacion aki a provoca  pa haci refleccion mihor ariba e daño cu alcohol por hasi na nos celulanan, costando algun persona  mas cu un wayaba”.

Alcohol ta contribui na mas cu 12.000 caso di cancer pa aña na Gran Britania.

 

 

- Advertisement -

DUNA COMENTARIO

Please enter your comment!
Please enter your name here