Home Actividad Especial Riba Dia di Betico lo tin Mercado Santa Rosa

Riba Dia di Betico lo tin Mercado Santa Rosa

20
0
SHARE
- Advertisement -

ORANJESTAD (AAN): Aruba ta den temporada di Carnaval cu hopi ta esnan cu tin planea ful un agenda pa asina celebra e fechnan aki mas posibel cu participacion den diferente actividadnan di carnaval.

Na Santa Rosa nan ta den ful swing cu preparacion pa celebracion di nos prome mercado pa e aña aki na Santa Rosa riba Dia di Betico cu ta dia 25 di Januari proximo. Un celebracion cu lo prominti di bira un exitoso pa motibo cu esaki ta un dia liber y caminda tur hende ta busca un caminda pa Sali y celebra e dia aki den grandi. Nos mercado semper cua conta semper cu e sosten completo di pueblo di Aruba pa cu nos productonan local.

Mercado Santa Rosa conhuntamente cu celebracion di Dia di Betico cu lo cuminsa for di 8’or di mainta te cu 1’or di atardi aki mes na Santa Rosa. Bin pasa un rato ameno.

Concepto di e mercado aki lo bay ta poco diferente pero si cu e mesun bon surti cu nos productonan local.

E logistica lo ta bay ta parti patras di nos edificio caminda tin varios matanan di fruta planta. Aki nos ta bay acomoda nos tentnan pa nos productornan local pa asina  brinda nan servicio na e publico cu lota  presente riba e dia aki. Varios ta esnan cu a confirma caba pa asina ta den nos mercado di Dia di Betico 25 di Januari.

Pa menciona algun di productonan local cu lo ta localisabel den nos mercado ta nos Artesanonan cu difernte obranan di man manera casnan Tipico Arubano miniatura. Diferente cos gehaak cu ta masha gusta awendia. Remedinan di tera manera Gember, Miracle Cold & Flu, Azeta di Coco y mas. Productonan di Aloe tanta pa Cabey, Cara y Cutis cu solamente ta obtenibel durante di nos mercado. Otro di nos productonan local ta e diferente liqour, Jam, Stropi, Biña di Casho y diferente otro sabor. No por falta den nos mercado un bon pasaboca manera un dushi bolo traha na cas manera di Pruim, Fruta, Pineapple of drgidek. Tur esakinan den nos mercado di Dia di Betico. Pa e plato crioyo pa e dia aki no por falta. Un cushina bon prepara cu manera Cocomber Stoba, Papaya Stoba, Cabrito Stoba, Sopi Cabrito, y hopi mas pa menciona. Fruta y berdura fresco tambe lo bay tin y diferente mata.

No por falta e “Kid’s Corner” pa e muchanan keda bon entreteni.

Nan ta invita pueblo pa acudi na Santa Rosa su Mercado conhuntamente cu celebracion di Dia di Betico pabo pasa un rato ameno y placentero manera un famia for di 8’or di mainta te cu 1’or di atardi.

 

- Advertisement -

DUNA COMENTARIO

Please enter your comment!
Please enter your name here