Home Parlamento Rocco Tjon cu deseo pa Carnaval 64 ta uno safe

Rocco Tjon cu deseo pa Carnaval 64 ta uno safe

13
0
SHARE
- Advertisement -

ORANJESTAD (AAN): Aruba ta cla pa un biaha mas disfruta di e evento mas bunita y conoci riba nos isla, carnaval. Manera costumber e ta cuminsa cu Fakkel diasabra anochi dia 6 di Januari. Carnaval ta trece cune hopi ambiente, multitud di hende riba caminda y un experencia unico cu hasta ta haci un gran cantidad di hende biaha special pa nos isla pa por disfruta di dje.

Lamentablemente, tur esaki tambe ta trece cune hopi momento nan fastioso y dificil, unda cu nos departamento cu ta percura pa seguridad y salud di nos hendenan ta traha duro pa por mantene orden y un ambiente placentero pa tur hende. Ami mes como agente policial y como Chief of Staff di nos cuerpo policial den pasado, a experencia esaki y mi sa e trabao pisa y largo cu esaki ta pa mi coleganan.

Mi kier desea tur trahador den e departamentonan cu ta zorg pa nos seguridad durante Carnaval hopi exito den e temporada aki. Tur esnan cu tey pa yuda nos comunidad ta kies pa haci esaki pa hopi mas cu djis un salario, pero tambe paso nan ta stima nos cultura y isla y ta busca e bienestar pa nos hendenan.

Na pueblo di Aruba, ban gosa di nos carnaval 64 y hunto cu nos polisnan percura pa e ta uno inolvidabel.

- Advertisement -

DUNA COMENTARIO

Please enter your comment!
Please enter your name here