Home Salud Rumor cu kizas Dr. Gerrit Croes por bira Director di AZV

Rumor cu kizas Dr. Gerrit Croes por bira Director di AZV

293
0
SHARE
- Advertisement -

ORANJESTAD (AAN): Dr. Gerrit Croes no ta un persona desconoci. E ta un dokter cu ya tin mas di 25 aña den medicina y tambe a figura den varios ocasion riba lista di e partido Geel, partido cu ta na mando den e coalicion actual.

A circula rumor cu posiblemente dr. Croes lo worde nombra sea director di hospital of di AZV.

El a splica cu pa basta tempo e proposicion aki a worde haci na su persona. Como medico pa basta aña, e tin un experticio basta grandi. El a pone su servicio na partido y pais Aruba. E momentonan aki, coleganan cu ta minister awo y prome minister, wak e posibilidad cu esey lo bira un realidad.

Segun dr. Croes, e luga no ta importante. E servicio cu lo bay presta na tanto pais Aruba como partido lo ta importante. Experticio cu e tin, lo yuda sea na Hospital of na AZV. Mirando e problemanan grandi cu tin pa loke ta salubridad, salud mental di nos pueblo, tin un manera cu por haci e cambio cu nan mes ta traha riba dje.

E mes ta un di esnan cu a traha riba vision di partido y eynan por traha na un manera lihe y na un manera pa por soluciona e problemanan grandi cu nos tin pa loke ta e lista di espera di specialistanan, operacionnan di wowo, hopi material cu no tin, hospital cu tin yen di problema. Por traha duro pa soluciona tur e problemanan aki.

Hospital tin un director, segun dr. Croes. Den corto, otro director lo worde nombra. No sa kico e minister di salubridad publico su pensamento ta, pero lo ta bon pa pone un hende cu por haci un miho trabao eynan.

Director actual di AZV, mes a bisa recientemente cu e mes lo bay, posiblemente door di su edad, of lo tin otro compromisonan cu e tin cu haci. Ta bon pa refresca e directeurenraad, pa pone un hende cu por yuda pa loke ta seguro medico general y salubridad un tiki mas padilanti.

E funcion importante primordial pa loke ta salubridad, fuera di minister di salubridad, ta director di AZV, seguro medico general, unda cu tin retonan grandi pa cumpli cu nan. Pueblo lo sali beneficia di un persona cu experticio y cu sa kico ta pasando realmente loke ta salubridad. Ta un bon posicion pa por haci algo pa pais Aruba.

Segun Croes, e criticanan, mayoria di nan tin un pakico a worde critica. Ta criticanan constructivo cu tin cu worde acerca. Eynan tin cu bay traha pa duna un miho cuido na nos hendenan. Segun dr. Croes, nos pensionadonan tin derecho pa haya un cuido optimal. Tin cu bay duna nan e remedinan di calidad cu nan merece pa tur e malesanan cronico cu nan tin.

Awor aki nan ta hayando esunnan generico cu mayoria di nan no tin e efecto cu e dokternan, cu ta traha e recetanan kier mira. Ta un momento pa por mustra berdad, cu locual cu ta bisa ta berdad. Manera cu prome minister a bisa, cu a haci loke ta papia y ta papia loke ta haci. Esey ta e momento pa mustra e realidad kico lo bay pasa den salubridad publico.

A bisa pa añanan largo, pa pashentnan cu malesanan cronico, no ta bay duna nan generico. Nos pensionadonan ta esnan cu a traha duro pa e pais aki pa e ta unda cu e ta y ta momento pa duna nan e cuido, amor y cariño cu nan merece. Y un di nan pa duna nan e remedinan cu nan merece y no corta den nan servicio y tratamento, segun dr. Gerrit Croes.

 

- Advertisement -

DUNA COMENTARIO

Please enter your comment!
Please enter your name here