Home Gobierno Scarcedad di Camber pa Studiante na Hulanda ta debi na cinco destinacion...

Scarcedad di Camber pa Studiante na Hulanda ta debi na cinco destinacion satura cu nan mes ta scoge

14
0
SHARE
- Advertisement -

ORANJESTAD(AAN): Scarcedad di camber pa futuro studiantenan na Hulanda ta algo serio.

Ministro Plenipotenciario Guillfred Besaril ta hayando keho riba scarcedad pa cambernan pa esnan cu mester bay studia. Tin un particularidad unda studiante ta scoge cinco luga cu nan kier concentra pa keda como studiante.

Na Hulanda hopi hende mes tin problema pa haya caminda di keda. Mester bay traha cu e hobennan pa duna e informacion necesario pa nan haci estudio den otro partinan na Hulanda. Awor door cu tin concentracion y kier hinca curpa den e problema pa falta di lugar.

Tin un particularidad na Hulanda cu mayoria ta opta pa bay sea Amsterdam, Rotterdam, Utrecht of Eindhoven of Groningen, ta cinco luga cu e hobennan ta concentra.

Ta e ciudadnan, ora cu ta trata Randsteden, caminda cu esnan cu ta biba na Hulanda mes ta haya problema pa biba. Esey lo ta un tarea den e proximo añanan pa educa nos hobennan cu tin mucho mas opcion cu Amsterdam, Rotterdam, Groningen, por ehempel.

Duna nan e informacion adecuado cu e mesun estudio cu kier haci, por haci’e na Arnhem, of na Den Bosch, otro partinan di Hulanda, den cual e problematica aki di haya un luga pa biba ta menos complica.

Door cu tin concentracion y tur hende kier hinca nan curpa den e concentracion, e ora bo ta haya cu ta bin e problema aki automaticamente. Tin mas opcion y ta riba informacion tin cu bay traha pa asina aki nos hobennan tin un miho conocemento di kico ta spera nan na e momento cu nan kier bay studia un X carera y ki opcion nan tin si nan por haci esaki, no solamente na e luganan mas sobrepobla di Hulanda, pero na otro luganan tambe, pa asina aki nan no tin e problematica aki mas di no tin un luga di biba of ta tarda pa haya un luga di biba.

Pa colmo no solamente ta tarda pa haya un luga di biba, pero nan ta mas caro tambe. Tin cu busca un solucion.

A papia esaki cu minister Lampe, pa duna nan informacion. Tur hende sa di Rotterdam, Amsterdam, etc., Pero nan no sa cu e mesun tipo di e estudionan ey por worde haci otro caminda na Hulanda.

 

- Advertisement -

DUNA COMENTARIO

Please enter your comment!
Please enter your name here