Home Salud Storia circulando riba social media di e ‘forma di pone cachonan drumi’...

Storia circulando riba social media di e ‘forma di pone cachonan drumi’ ta falso

114
0
SHARE
- Advertisement -

Segun Director di DVG

ORANJESTAD(AAN): E afmaakhok (killcage) ta cay bao di Veterinaire Dienst di Salubridad Publico, director di Dienst Volksgezondheid (DVG), Jerry Staring, a cuminsa na splica durante un rueda di prensa. E ta sigui splica cu tin algun informacion cu a sali ultimo riba esaki cu no ta cuadra cu realidad pa loke ta e manera, e maneho cu ta hiba pa e bestianan indesea.

Tin un realidad unda cu tin un killcage na Aruba cu ta algo cu ta sali for di e falta di un trato responsabel pa loke ta nos bestianan na Aruba. Y nos tur sa esey. Tin algun desaroyo ultimo aña unda cu a haya e hondenverordening. DVG, via Veterinaire Dienst, tin bon contacto cu cierto NGO’s pa loke ta e sterilisacion di cachonan cu ta riba caya, pero lamentablemente esey no ta yega ainda pa por cubri full e area di bestianan no desea.

Segun Staring, ta bay tin un protesta dilanti di e afmaakhok. Pesey tabata tin pura tambe pa bin cu e rueda di prensa. Normalmente ta den contacto cu e NGOnan cu ta anda cu bestianan no desea.

Siman pasa a duna un entrevista tambe na prensa pa loke ta e maneho di maneho di eutanasia. Esey tabata net ora e prome rumornan falso a sali, con ta pone e cachonan drumi. Lamentablemente e noticia ey no a logra di stop e rumornan falso.

Pesey e rueda di prensa aki tambe pa pone mas enfasis riba e maneho berdadero di Veterinaire Dienst pa loke ta e maneho di eutanasia y cu ta stress riba un maneho cu hopi respet pa e bestia, bao di standardnan internacional y cu ta keda boga pa e responsable petownership. Si esey no cambia y haya un cantidad grandi di 4 pa 5 mil cacho pa aña den e afmaakhok. Esey ta pasobra hendenan no ta tene nan mes na nan responsabilidadnan.

Jerry Staring a sigui splica cu e no a worde poni na altura ta ken ta tras di e protesta di mañan. No a worde contacta tampoco. Siman pasa a duna e informacion aki na prensa pa purba di plama e noticia pa para e noticia falso aki. Y pa dun’e un tiki mas forsa, e rueda di prensa, pa stress mas ainda cu e motibo cu tin pensa pa e protesta mañan no ta un motibo existente. Nan supuestamente ta bay protesta pa e manera di pone e cachonan drumi. Pero e manera di euthanaseer ta segun standardnan internacional cu un producto internacional, reconoci pa veterinarionan.

Si e rabia y spanto ta asina grandi, tur hende ta bon bini pa acerca director di DVG y por sinta, manera cu a sinta awe cu prensa y splica na placa chikito con nan maneho ta y con e tabata ta y pakico tin e maneho aki y pakico tin e afmaakhok lamentablemente.

 

- Advertisement -

DUNA COMENTARIO

Please enter your comment!
Please enter your name here