Home Enseñanza Studiantenan ta preocupa cu nan no tin docente

Studiantenan ta preocupa cu nan no tin docente

14
0
SHARE
- Advertisement -

ORANJESTAD(AAN): Sammy Tromp ta bayendo Colegio Arubano y a bay hunto cu algun colega di dje na gobierno pasobra nan tin un preocupacion. El a conta cu nan no tin docente pa economia for di cuminsamento di November y nan ta preocupa pasobra examen ta na porta, na cuminsamento di Maart y ainda nan no tin un docente.

Nan ta cayendo hopi atras cu material di e stof y e solucion di Colegio no ta un bon solucion. A dicidi pa bay na Minister pa wak si por yega na un solucion.

Kico ta e solucion:

Segun Tromp, nan ta bay tres les uur tras di otro riba diabierna. E problema ta ora cu bisa cu nan tin cu bay riba diasabra mainta. Pa hopi alumno esey no ta posibel, ya cu nan tin rasonnan personal cu nan no por yega school y no por atende e les. E lesnan a bira obligatorio y nan ta cay hopi atras cu e material.

Nan no a ni cuminsa cu e materialnan (stof) di les. Otro klasnan ya a caba y ta practicando pa e  examen, segun Tromp.

Minister Lampe a ricibi e studiantenan mesora. Diadomingo a tuma contacto cu un abogado, cu a yuda tuma contacto cu e mandatario y ya caba pa awe nan a haya un cita y ta yudando e alumnonan busca un solucion.

Lo ta bon pa haya les simultaneamente cu otro klasnan. Nan por sinta pafo warda te ora cu un docente yega pa nan por haya les.

Speranza:

Tromp a menciona cu nan a pidi hopi ayudo. A bay na nan mentor, a puntra, pero mentor a puntra hopi si por yuda e alumnonan, pero ningun contesta no a haya tampoco. Aunke cu nan ta kere cu nan por logra, mirando cu nan ta den examen klas. Aunke tin cu bisa cu e material ta demasiado, pa studia den un tempo cu ta asina cortico. Ta spera cu Colegio yuda pa asina por yega na un solucion mas miho.

 

Opcion

E alumnonan a pensa riba varios opcion, pero problema ta si Colegio ta acepta nan.

A pensa si AC por worde hala sikiera dos siman, lo por tin suficiente tempo pa studia e material mas, of por lo menos baha un tiki e material cu nan por studia.

 

 

- Advertisement -

DUNA COMENTARIO

Please enter your comment!
Please enter your name here