Home Social Super Food Plaza Cares Program a regala Sonrisa riba di 35 mil...

Super Food Plaza Cares Program a regala Sonrisa riba di 35 mil Florin

41
0
SHARE
- Advertisement -

ORANJESTAD (AAN): Un fabuloso noticia esaki ta!  Sonrisa a ricibi un donacion di 35.557,41 Florin.

Recientemente Super Food Plaza Cares Program a haci entrega di un cheque na valor di Afl. 35.557,41 na fundacion Sonrisa pa esnan cu limitacion mental. E cheque a ser otorga pa marketing manager di Super Food Plaza, Sr. Rudy Richardson y a ser ricibi pa Señora Angelique Perez y Señora Schoop di Sonrisa. Sonrisa a keda masha contento cu e donacion aki como cu e ta yuda nan inmensamente cu nan proyectonan cu nan kier ehecuta.

Super Food Plaza Cares Program ta un programa cu Super Food a cuminsa cu ne pa asina yuda fundacionnan local yega na fondonan necesario pa por cumpli cu nan meta. Clientenan di Super Food Plaza por haci un donacion di minimo Afl. 1.75 y cu esaki nan por participa pa gana 3 gift card semanalmente. E prome premio ta un gift card di Afl. 1.000, segundo premio gift card di Afl. 500 y tercer premio un gift card di Afl. 250. Super Food Plaza ta pone e premionan disponible y tur fondonan recauda ta bay pa e fundacion cu ta na turno e luna ey. Tur dialuna ta tuma lugar un otro sorteo pa e campaña aki.

Actualmente ta recaudando fondo pa Aruba Lionfish Initiative Foundation (ALFI) cu tin como meta pa reduci e cantidad di piscanan Lionfish den nos awanan. E pisca aki no ta pertenece den nos laman.

Lionfish ta come tur otro pisca y no tin enemigo natural, cu ta causa cu e ta caba cu nos piscanan y tambe nos coralnan. Clientenan di Super Food Plaza ta keda invita pa sigui sostene e Super Food Plaza Cares Program pa asina mas fundacion por ricibi un donacion.

- Advertisement -

DUNA COMENTARIO

Please enter your comment!
Please enter your name here