Home Cultura T-Money a logra titulo di Monarca di Soca por fin

T-Money a logra titulo di Monarca di Soca por fin

235
0
SHARE
- Advertisement -

Blacky a logra corona di Monarca di Caiso

ORANJESTAD  (AAN): Pa mas di dos decennia T-money, Antonio “Tony” Mingo, a keda den den premiacionnan, y clasificadonan di Roadmarch,Calypso y awendia Soca. Varios biaha ora cu a kere cu e lo gana e corona, ta bira cu ta otro a gana. Asina aña tras aña por a tende:  “Ki dia T-Money ta logra su corona por fin ?”

Esey a pasa diadomingo madruga ora resultado a wordo duna y cu te na ultimo momento a keda den espectativa di ken ta gana e corona?

E aña aki tabata tin soca fuerte y cu varios din an favoritonan pa por gana e corona. Ademas di T-Money, por menciona di Buleria, Rocco Flava y mas ainda Malaghy Richardson, “Rasta”.  Rasta tabata esun masha hopi comenta diasabra anochi despues di su presentacion.

Otro masha comenta y cu tabata favorite tambe pa por termina cu e titulo di monarca di Soca, tabata Reynold Sprott, “Rusty” cu su “Alive”, tambe tabata fuerte pa port a den e mihornan, Bradley Versprey “Easy B” cu su soca “For a cause” cu a pega duro. Por menciona tambe Stuwy di Youth XTreme cu a sorprende tur hende, Mighty Tattoo cu su Cruising pero cu diasabra no tabata manera e anochi di preclasificacion, mientras no por keda sin menciona Mighty Reds cu a impone un biaha mas y e biaha aki cu “Old School” y ademas no por laga afo Blacky cu su  “Do what you want” y kende na fainal a bin resulta na di dos lugar  tras di e Monarca nobo di SOCA, T-money cu su soca “Sideliners” acompaña pa Le Groove. Rasta a termina na di 3 lugar.

Di e 10 calypsonan, ta net esnan cu tabata entre esunnan mas comenta a gana tambe.  The Commissioner, Adolfo Richardson, tabata fuerte cu su “Where we went wrong”, Cathrine Kamara cu “Unity is Strenght”, a impone su nomber den e festival. El a sali mas sigur di su mes despues di a ensaya bon pa e final, y  a briya cu su caiso Unity is Strenght.

“Tattoo”, Richard Quant a keda como e cantante cu mester tene bista ariba pasobra su  “I have a dream”, (“Den mi soño”) for di e anochi di preclasificacion tabata hopi comenta. El a bin termina na di 3 lugar sinembargo.

Esun cu a ocupa di dos lugar a resulta Carl Roosbert, Galloway Jr. cu e aña aki atrobe tabata cla pa gara e titulo y corona, y no a logra na final. Tabata Blacky , Mervin Baptiste, cu a bisti e corona di Soca Monarch pero loke tabata di spera tambe di e comentarionan cu e cancion aki a haya for di e prome anochi y e presentacion di Blacky. El a haya competencia pisa, pero na final a completa ganando e corona di Caiso y awor por usa tur dos e titulonan ey cu orguyo.

 

- Advertisement -

DUNA COMENTARIO

Please enter your comment!
Please enter your name here