Home Enseñanza Ta bay bin un app pa coregi Papiamento den celular

Ta bay bin un app pa coregi Papiamento den celular

30
0
SHARE
- Advertisement -

ORANJESTAD  (AAN):  Despues cu Diahuebs mainta a firma un decreto pa declara 2018 como Aña di Papiamento, Minister di Cultura Xiomara Maduro a hiba palabra durante un conferencia di prensa.

E mandatario a bisa cu Papiamento ta di nos y cu nos tin cu cuide na nos pais.

“Papiamento ta nos herencia cultural y e ta nos idioma oficial y nacional”.

“Esey ta algo grandi y sigur como e Minister encarga cu Cultura, semper mi ta bisa cu cultura ta forma nos caracter como pueblo y nos como pueblo tin algo special, cual ta e idioma materno den cual hopi di nos ta comunica”.

Esaki segun Maduro, kende a sigui bisa cu pesey Papiamento tin cu haya su balor mereci.

“Pesey 2018 ta bay ta e aña den cual nos ta brinda e balor akinan y nos ta pasa pa nos yiunan e importancia di Papiamento”.

“E importancia pa nos papie y skirbie corectamente”, segun e minister di Cultura, kende a sigui bisa cu Papiamento ta weso di lomba di nos historia y nos desaroyo.

Minister di Transporte y Comunicacion Chris Romero tambe a hiba palabra durante e conferencia di prensa y el a bisa cu e ta hopi orguyoso di nos idioma.

“Nos ta un di e poconan den e mundo aki cu ta papia e idioma aki”.

“Si bo wak bon ta alrededor di apenas 400.000 hende na mundo cu por papia Papiamento, den un planeta cu tin mas di 6 biyon hende”.

Esaki segun Romero, kende a sigui bisa cu ora cu Lampe a acerke pa purba wak un manera pa inclui Papiamento den telefonnan celular, el a pensa mesora cu ta un bon idea.

El a dicidi di acerca director di Setar pa hasi esaki.

Ora cu hende ta riba nan celular tin auto-correction cu ta na Ingles, Hulandes of Spaño.

Awor ta trahando riba un sistema pa inclui Papiamento den esaki, pasobra e habitantenan di Aruba tin diferente nacionalidad y tur hende por siña di esaki, mirando cu hopi hende cu ta papia Papiamento no sa con pa skirbi tur palabra na Papiamento.

“Esaki sigur lo yuda nos hobennan, kendenan tin mas dificultad pa skirbi Papiamento”, segun Romero, kende a sigui bisa cu si bo por brinda un app gratis cu por coregi e errornan den Papiamento, tur hende lo por hasi bon uso di esaki.

- Advertisement -

DUNA COMENTARIO

Please enter your comment!
Please enter your name here