Home Policial Task Force a wordo bon ricibi riba Beach

Task Force a wordo bon ricibi riba Beach

193
0
SHARE
- Advertisement -

Segun Gino Winklaar Cuerpo Policial

ORANJESTAD  (AAN):  Diadomingo a controla operadornan di watersport riba nos beach pa loke ta nan permiso y si nan ta cumpli cu locual cu ta stipula den e permiso. Gino Winklaar cu ta na cabes di e Task Force ta splica cu Cuerpo Policial su rol den e Task Force ta esun cu ta actua cu mas ‘man duro’, sinembargo e trabou ta irrealisabel sin e presencia di DIP pa ricibi informacion di e permisonan y experticio di DOW y Directie Scheepvaart.

E meta di e prome control tabata pa inventarisa tur e companianan di watersport, y den e inventarisacion aki a topa cu 42 watersport for di cual 37 di nan a haya advertencia  (prome strike), pa falta di cumplimento cu locual cu ta stipula den nan permiso. 3 di e watersport nan a wordo cera na mes momento pa falta di permiso, pa cual nan a ricibi 1 siman pa rnan mes ruim op nan articulonan for di riba beach. E advertencianan aki a wordo duna na nan por escrito. Gran mayoria di e operadornan a coopera cu e Task Force pa e control, y tabata contento cu a haya oportunidad pa intercambia palabra cu e departamentonan presente na e momento ey, y duna indicacion di incumplimento di otro operadornan bande nan por ehempel.

Ademas di a controla e operadornan di watersport, a topa cu otro cosnan ilegal, manera personanan cu ta vlecht cabey, un restaurant sin permiso cu empleadonan sin carchi berde, cual tambe a wordo cera. Otro iregularidadnan cu a wordo constata cu e Task Force lo no atende cu ne directamente lo wordo atendi cu ne na otro forma di parti Gobierno, esakinan ta encera construccionnan ilegal riba beach di parti di operadonan di watersport y di hotelnan. Segun tarea di DOW den e Task Force, DOW a afirma cu diferente construccion di entre otro pier, a wordo haci sin permiso.

Pa conclui sr. Winklaar a indica cu a ricibi bon feedback for di turistanan presente, tabatin 5 barco aden y pues beachnan tabata yen. Varios turista tabata interesa riba locual cu tabata tumando lugar, y hasta tabatin algun cu a mira tocante di e Task Force den noticia y a reconoce e accion di control cu a inicia. Tambe a percura pa informa otronan cu a keda sorprendi cu e presencia di e Task Force riba Beach. ‘Esaki lo no ta e ultimo accion di e Task Force, ora cu ta cla pa e siguiente ronda di control lo percura pa haci esaki cu tur e departamentonan acerca, sr. Winklaar a indica.

 

 

 

- Advertisement -

DUNA COMENTARIO

Please enter your comment!
Please enter your name here