Home Deporte Team di landamento tin nan prome compromiso internacional

Team di landamento tin nan prome compromiso internacional

7
0
SHARE
- Advertisement -

ORANJESTAD (AAN) –  For di  17 pa 22 di januari, e seleccion di Aruba den e deporte di landamento lo tin nan prome compromiso internacional na Merca. Un total di 11 atleta a wordo escohi pa competi den e Union Americana de Natacion Cup cu lo tuma lugar e aña aki na Coral Springs, Florida.

E competencia aki ta pa tur landador cu ta bini di e region y continente di America Central y Caribe como tambe Sur America. Mester bisa cu nos seleccion lo competi den tres categoria di age-group esta 11-12, 13-14, y 15-17.

E grupo hubenil den e edad di 15-17 aña ta Elisabeth Timmer, Brandon Cheong y Daniel Jacobs, e tres atletanan aki ta haya subsidio pa e competencia mirando tambe cu nan ta den pleno preparacion pa nan clasificacion pa e Weganan Olimpico Hubenil Buenos Aires 2018.

Pa e ocho otro atletanan den e competencia aki nan lo debuta den un prome competencia grandi internacional manera UANA y alabes ta fungi como un bon preparacion e proximo Carifta Games.

Esnan cu lo competi den e categoria 11-12 anja lo ta Braynsly Dirksz, Gavin Kock, Jaydon Croes, Ronald Fun, Giancarla Larez y Michaline de Cuba. Den e categoria 13-14 anja lo competi Gabriela Gordon mientras Nathan Croes lo competi den 15-17 anja. Como coach nos lo tin Ismael Santiesteban y miembronan di e delegacion Daniel Jacobs Sr, Gislaine Croes y Marion Kan.

Remarcabel ta cu e atletanan cu competi na e UANA Cup 2018 lo tin e posibilidad di clasifica pa weganan importante den nos region y continente manera e Weganan Centro Americano y del Caribe 2018 di Barranquilla, Colombia, Weganan Odesur 2018 na Cochabamba, Bolivia, Weganan Olimpico Hubenil 2018 na Buenso Aires, Argentina y e Weganan Panamericano 2019 di Lima, Peru.

 

 

 

 

 

- Advertisement -

DUNA COMENTARIO

Please enter your comment!
Please enter your name here