Home General Tin mas dia di spera riba apertura Coney Island

Tin mas dia di spera riba apertura Coney Island

149
0
SHARE
- Advertisement -

ORANJESTAD(AAN): — E promotornan di Coney Island a anuncia algun dia pasa cu nan tabata desea di habri 2 di January. E fecha aki no a wordo logra. Tur ekipo ta in place y falta solamente un ultimo inspeccion.

E deseo tabata pa e inspeccion tuma lugar diabierna cu a pasa. Mirando cu DTI ta druk y cu otro trabounan y tambe tin personal cu vakantie y otro controlnan, a pone cu e ultimo inspeccion no por a tuma lugar.

Nos mesa di redaccion a logra papia cu e promotor y el a bisa cu dia 3 di January ta sperando DTI. Mescos director interino di DTI a confirma cu nan lo purba haci nan inspeccion e mesun fecha menciona.

Djey e permiso ta keda den man di Polis pa firma esaki y nan por cuminsa opera. Importante ta cu henter e Coney Island ta arma y pendiente e detayenan menciona.

Hopi hende ta puntra pasobra a anuncia dia 2 di January y esaki no a tuma lugar.

Promotornan kier duna autoridad cu ta haci e inspeccion e espacio necesario. Pesey mes e prome lote di ekipo cu a yega a pasa e inspeccion caba positivamente. Tabata falta algun container cu a yega y a wordo saca for di waf.

Awor cu nan tur a wordo saca y arma ta warda e final inspection. Grandi y chikito ta pendiente pa e dia cu nan por gosa cu nan yiu den e parke grandi aki.

- Advertisement -

DUNA COMENTARIO

Please enter your comment!
Please enter your name here