Home General Tin varios comerciante di clapchi a haci cosnan for di regla

Tin varios comerciante di clapchi a haci cosnan for di regla

44
0
SHARE
- Advertisement -

ORANJESTAD(AAN): — Apesar di ta oficial di cuerpo di Bombero, Ferdinand Ponson ta forma parti di e departamento di prevencion, cual tambe ta join e comision di Vuurwerk pa varios aña caba. Ponson a splica, como vocero di Cuerpo di Bombero, riba con satisfecho nan ta, riba e dianan cu ta tras di lomba.

Por a tuma nota cu personal di brandweer, cu ta den e comision di vuurwerk, a haya cosnan cu no ta corecto. Ponson a splica cu for di dia 27 di December, nan tabata bezig cu control. Ainda bispo di aña nan a nota cu bendedornan a purba pa haci cosnan cu no ta cuadra cu e reglamento.

Ta bisa nan riba dje y ta drecha. Tin cu remarca cu nan ta satisfecho, mirando cu e lugarnan di benta a cumpli cu e reglanan. Tambe nan a percura pa cumpli cu tur cos cu e dienstnan a exigi. Pero tin par cu a haci nan cosnan cu ta for di regla y door di esey a tene control, pa asina drecha esaki.

Loke tambe cu a remarca cu e sticker cu nan ta bezig ta pone, no ta e comision nan a purba di gaña sino pueblo henter. E vuurwerknan bieu ta peligroso. Esaki a wordo tira aki aya, pasa den auto, tur esaki a pone cu vuurwerk ta perde su calidad y asina aki accidentenan por bin pasa.

Si abo, como pueblo di Aruba cumpra e vuurwerknan bieu aki por topa cu incidente. Tin vuurwerknan no tira, esaki por ta un vuurwerk bieu. Tambe nan a purba di mantene na cero herido na Aruba. Aña pasa tabata tin 3 pa 4 persona cu tabata tin heridanan leve y kemaduranan chikito. Ta pa e mesun motibo aki a pone enfasis pa no cumpra klapchinan bieu.

Tin varios vuurwerk cu no ta permiti. Strikers ta vuurwerk cu ya pa seis aña  ta for di circulacion. Ta pa e motibonan aki a cera e lugarnan pa asina no bende nan. Ta un vuurwerk ilegal y door cu nan tabata tin’e den nan posesion, e lugarnan a wordo cera.

Ta haya hopi ayudo di pueblo, segun Ponson, unda cu el a gradici nan den su totalidad. Nan a manda potret y tambe indica unda cu ta bende vuurwerk bieu, unda tin cosnan straño cu ta pasa, na manera cu ora brandweer yega na e luga y dreche saki.

Tin bendedor ta respeta y tin algun cu no ta haci’e, esey ta ora cu nan controla y haya vuurwerk ilegal. Tin algun di nan ta rabia y falta respet. Brandweer ta autoridad riba caya y asina aki por cuminsa na respeta otro tambe.

Segun Ferdinand Ponson, tin cu sinta den e comision y papia riba esaki pa mira kico ta e medidanan cu lo bay wordo tuma contra di nan y pa tur cos cana manera mester ta.

Durante fin di aña tabata tin varios luga cu tabata tin show di vuurwerk. Pa esaki nan mester a bin saca nan vergunning y tambe tin personal cualifica. Akinan brandweer ta escolta nan pa asina tur cos cana bon, prome cu e show tuma luga.

 

 

- Advertisement -

DUNA COMENTARIO

Please enter your comment!
Please enter your name here