Home Cultura Tristan Nedd di 22 aña a firma pa su proyecto di Nicolas...

Tristan Nedd di 22 aña a firma pa su proyecto di Nicolas Store

65
0
SHARE
- Advertisement -

ORANJESTAD(AAN): Diaranzon atardi a tuma lugar firmamento pa loke ta e proyecto di Nicolas Store na San Nicolas, unda cu Tristan Nedd, un hoben di apenas 22 aña ta cuminza su soño di aporta na San Nicolas, unda cu el a nace y lanta.

Nedd a firma hunto cu Fundacion Museo Arubano (FMA), cu a yuda cu e proyecto aki unda cu e establecimento ta bay ta un café enfoca sigur riba cumindanan tipico di San Nicolas y saludable, unda cu ta bay tin entretenimento tambe y e posibilidad pa bishita e museo cu tin den e edificio.

Director di FMA Anky Vrolijk y presidente di e directiva di FMA Dello Gomez durante un conferencia di prensa a expresa cu nan ta hopi contento di sostene un bunita proyecto asina, cu sigur ta bay aporta na San Nicolas.

Nedd ta un inspiracion pa hoben y adultonan pa su dedicacion y perseverancia pa trece un proyecto asina pa San Nicolas.

Minister di Infrastructura Otmar Oduber a trece dilanti cu Gobierno sigur ta sostene e proyecto aki, cu ta mustra continuidad di e vision cu tin pa desaroya San Nicolas como un ciudad di herencia y cultura.

E mandatario a gradici tambe su coleganan Xiomara Ruiz Minister di Finanzas y Economia y Dangui Oduber Minister di Turismo, cu sigur ta sostene e proyecto aki.

Nedd a trece dilanti cu e intencion ta pa e lugar habri riba 25 di Januari, unda cu e ta bay ta habri tur dia for di 8’or di mainta te cu 11’or di anochi.

“Mi tata tabata tin un negoshi na San Nicolas y semper mi a wak otro hendenan ta purba di hasi algo pa San Nicolas y semper mi tabata kier ta parti di esaki”, segun e entrepreneur hoben.

Mirando cu e enfoke ta bay ta tambe riba cuminda saludable, Nedd a splica por ehempel cu den su lugar bo ta bay por haya Johnny cakes horna en bez di hasa den zeta.

- Advertisement -

DUNA COMENTARIO

Please enter your comment!
Please enter your name here