Home Policial Unidad motoriza ta activo caba for di comienzo di aña

Unidad motoriza ta activo caba for di comienzo di aña

101
0
SHARE
- Advertisement -

ORANJESTAD(AAN): Nos ta den simannan di carnaval y unidad motorisa tabata activo durante di e prome actividadnan cu a tuma luga siman pasa. Alex Pieters ta e persona cu ta na cabes di e departamento di team motorisa y ta duna tambe ta duna splicacion riba e parti di trafico y el a conta cu sa cu e temporada di fiesta, manera Carnaval, Semana Santa, pasco, ta temporadanan cu tin hopi coremento roekeloos, coremento bao di influencia.

Hopi infraccion di trafico ta worde duna door di polis. Hendenan ta saca brommer y autonan bieu, indocumenta pa core riba caminda pa por bay e actividadnan. E ora polis ta enfoca su controlnan den e periodo aki.

Ya durante Parada di Flambeu a duna 32 proces verbaal. No ta papiando solamente di alcohol, pero ta enfoca tambe riba seguro, plachi di number, papelnan necesario, luznan den oranan di anochi, luz cora. No manera antes cu ta velocidad cu alcohol, pero ta bay riba tur tipo di infraccion cu na final por bira un peliger pa hende.

Despues principalmente den e parti di seguro, a bin ripara cu toch tin hopi auto ta coriendo rond cu no tin seguro. Si bo hayabo den un accidente despues, lo bay bira un problema pa con ta bay cover e daño causa na e otro banda.

A logra haya toch algun persona bao di influencia tambe, na cual siman pasa tabata tin di 1035 Ugl, cual tabata hopi halto. E fin di siman cu a pasa, a detene 3 persona y e fin di siman tambe a ripara cu tabata tin hopi brommer cu tabata core sin nan papel, sin number, chauffeurnan sin helm.

Na final a bin kita cinco scooter y dos brommer grandi pa diferente motibo. Motibonan cu no tin e papelnan na ordo y tambe cu tres di nan tabata chauffeur bao di influencia di alcohol. A bay cu esakinan tambe. Tambe nan a traha proces verbaalnan pa hendenan cu tabata core sin number paga, ainda di aña pasa.

A richt nan mes riba e comportacion tambe, no solamente number, alcohol, y velocidad, pero tambe e manera di core riba caya. Den periodo di carnaval, trafico ta hopi pega. Hendenan ta bay pasa otro vehiculo riba caminda peligroso.

Nan ta pasa unda ta prohibi pa pasa y hasta ta mira hopi riba Green Corridor ainda cu hopi hende ta pasa riba e parti di e brug, lubidando cu den nos ley semper tabata existi cu ta prohibi pa pasa otro vehiculo riba un subida sin bon bista, den un birada, pero tambe riba un brug. Toch esaki ta sosode hopi. Esey ta bira e ora e enfoke pa bay haci mas control riba esakinan pa purba di tene e trafico mas safe cu ta posibel.

Activo

Pieters a splica cu e personal ta conta cu 7 persona. Pero locual cu nan ta haci, pa haci e grupo mas grandi pa e control bira mas efectivo, ta contacta e otro wardanan, manera Playa, Santa Cruz, Noord y San Nicolas.

Ta mira e ora cua personanan ta adecua y por core cu motorcycle y pa core cu e team. Si nan tin un of dos persona di cada districto nan ta bin y asina haci e grupo mas grandi di 10 pa 12 motorcycle riba caminda, pa asina e control bira mas efectivo. Esey ta e prome parti pa haya refuerso y di dos, mira unda tin mas problema. Unda e knelpuntennan ta, unda e trafico ta pega. Esey ta e area cu nan lo bay concentra riba e control.

 

- Advertisement -

DUNA COMENTARIO

Please enter your comment!
Please enter your name here