Home Noticia Internacional Vandalismo ta aumentando cada dia rond di Venezuela

Vandalismo ta aumentando cada dia rond di Venezuela

53
0
SHARE
- Advertisement -

CIUDAD GUAYANA: Mas di 300 persona a drenta pa horta den un Liquor Shop na Ciudad Guayana, na estado Bolivar.  Un grupo di persona a drenta den e tienda Tayoscar y a horta tur mercancia.

Esey ta loke un periodista di e ciudad a divulga.  Durante henter e siman aki, a registra diferente acto di vandalismo den e pais.

Na varios municipio di estado Anzoategui a registra varios acto violento, segun a wordo rapporta riba Twitter.

E situacion iregular den e municipionanAnaco y Cantaura, a pone cu mayoria di negoshinan a cera nan porta y baha nan rolluik, pa miedo di mas violencia.

Riba Internet tambe a mira un video unda hopi ciudadano na Anzoategui a rondona un truck cu supuestamente tabata carga cu cuminda.  Nan a baha manera vruminga riba esaki, y nan tabata huy cu caha y mas caha di comestible.

E protestanan a cuminza despues cu habitantenan a cuminza protesta pa e prijs di kilo di aroz.  Pasobra algun comerciante tabata ofrece un kilo di aroz na 35 mil Bolivar si bo paga esey cash, pero na 120 mil Bolivar si acaso bo ta bay usa bo carchi di ATM.

- Advertisement -

DUNA COMENTARIO

Please enter your comment!
Please enter your name here