Home Noticia Internacional Venezuela a cera wafnan y aeropuertonan cu comunicacion cu Aruba,Corsou y Bonaire,...

Venezuela a cera wafnan y aeropuertonan cu comunicacion cu Aruba,Corsou y Bonaire, pa 72 ora

724
0
SHARE
- Advertisement -

E medida a drenta na vigor mey anochi

ORANJESTAD(AAN)—Ayera anochi President di Venezuela, Nicolas Maduro a anuncia cu Venezuela ta cera wafnan y aeropuertonan cu tin comunicacion cu Aruba ,Bonaire y Corsou, pa 72 ora como medida pa caba cu contrabando.

E oranan a cuminza core mey anochi awe y segun e informe, debi na contrabando di mineralnan y otro productonan cu tasali di Venezuela pa e islanan hulandes.

“Mi a duna orden pa cera tur waf y aeropuerto cu tin comunicacion pa intercambio comercial y di pasahero, cu Aruba, Corsou y Bonaire y ta cera tur comunicacion via aereo y maritimo cu e islanan aki, pa establece un restructuacion y defensa di intrresnan economico di Venezuela”, e mandatario Nicolas Maduro a laga sa durante un Conseho di Ministronan den Palacio Miraflores, for di unda el a anuncia e medida.

“Nan ta bay cu nos oro, coltan, diamantenan, productonan alimenticio”, el a splecifica referiendo na contrabando pa e islanan cu ta pertenece na Hulanda, segun e informacion.

President Maduro a indica cu ceramento di wafnan y aeropuertonan ta sirbi pa enfrenta contrabando y obliga autoridanan di e tres islanan di tuma medidanan apropia.

E hefe di estado a duna orden na Forza Arma Nacional Bolivariano di implementa operacion Centinela cu ta consisti di mecanismonan di vigilancia pa caba cu mafia di contrabando.

El a instrui vice president Tareck El Aissami tambe y e ministro pa Relacionnan Exterior, Jorge Arreaza, pa cuminza conversacionnan cu autoridadnan di e islanan pa establece un mecanismo di comercio y intercambio sano”, segun e informe ricibi.

E waf cu ta mira riba e foto ta un di e wafnan di estado Falcon, Puerto de Guaranao cu acera mes ora comunicacionnan di trafico via lama pa e islanan Aruba, Corsou y Bonaire..

 

- Advertisement -

DUNA COMENTARIO

Please enter your comment!
Please enter your name here