Home General Violencia y desaroyo local

Violencia y desaroyo local

27
0
SHARE
- Advertisement -

Lazos di cooperacion DIARIO-FOTH

Pa Lic. Guillermo Villalobos Solé

Violencia no ta un fenomeno nobo pero ningun hende tin duda riba e implicacionnan cu e tin den e actualidad, en particular, riba e agravamento di e condicionnan cu ta wordo biba den e sociedadnan di e region.

Fenomenonan manera e violencia urbano ta extende cu rapidez a lo largo di e zonanan rural y e asina yama violencia intrafamiliar, di genero y etnia cu ta sufri, na prome lugar, e hendenan muher y e muchanan, y cu ta parti di un actividad diario den nos ciudadnan y den e mayor parti di e teritorionan.

E desaroyo di nos paisnan ta rekeri di e atencion prioritario riba e fenomeno aki, no solamente door di razonnan humanitario, di derecho y di husticia, sino tambe door di su impacto negativo den e desaroyo economico y social di e comunidadnan y e sociedad den su conhunto.

Manifestacionnan diverso di violencia ta disminui e interes den inversion, ta demora e crecemento y ta atenta contra e condicionnan di estabilidad y seguridad cu ta wordo rekeri pa un convivencia pacifico.

Adicionalmente, e gobiernonan na nivel central y local (gobernacionnan, municipio, alcaldia) ta haya nan mes enfrenta na demandanan financiero creciente, pa combati e flagelo aki den su manifestacionnan diverso, reduciendo asina e posibilidadnan di inversion social cu ta ofrece mayor y mihor oportunidadnan pa esnan exclui y margina.

Pa varios decada, specialmente den nos paisnan caracteriza pa e centralismo excesivo, e maneho di e fenomeno di violencia a laga un banda e papel protagonico di e structuranan local y comunitario, tanto publico como priva, concentrando su registro y estadisticanan, e definicion di politica y e implementacion di programanan, na e ambito di e gobierno nacional.

Relega e gobiernonan local den e materia aki y otronan importante, a debilita e papel di e liderazgo di e estructuranan local aki y e retardo di e proceso di e descentralizacion cu a bin ta impulsando su mes den henter America Latina a lo largo di e ultimo añanan.

Di eynan e importancia di compromete e autoridadnan local den e responsabilidad di asumi un rol directo y beligerante riba manifestacionnan diverso di violencia, cu ta wordo produci den e comunidadnan.

Pa cumpli cu e anhelo aki, ta evidente cu ta wordo rekeri pa conta cu dato, estadistica, y informacionnan sigur, oportuno y confiable cu atravez di un proceso sistematico permiti su procesamento y interpretacion.

Contrario na e spirito aki, e mayoria di nos paisnan, tin e datonan concentra na nivel nacional, generalmente incompleto y sin separa foi otro y cu inconsistencianan entre e diferente fuentenan cu ta compila informacion. Locual por tin splicacion den e carencia di sistemanan di observacion y siguimento di e violencia, cu su implicacionnan respectivo pa e comprension di e programa y su causanan.

Den un mayoria di e casonan nos ta responde na e tema di violencia y cune, e creciente problema di e inseguridad ciudadano, for di un perspectiva represivo, cu por supuesto ta importante y necesario, pero cu ta laga di banda e enfoke preventivo y educando nos ciudadanonan nos lo por yega di tin ciudadnan y espacionan local mas saludable y sigur. E esfuerzo aki ta implica e articulacion entre gobierno, ciudadanonan, sector priva y organizacionnan social. Un desafio cu cada bez ta bira mas urgente pa wordo atendi.

- Advertisement -

DUNA COMENTARIO

Please enter your comment!
Please enter your name here