Home arte y espectaculo Workshop di Stop-Animation y film na Ateliers ‘89

Workshop di Stop-Animation y film na Ateliers ‘89

9
0
SHARE
- Advertisement -

ORANJESTAD (AAN): Animacion, Film ta e siguiente workshop na Ateliers ’89 Academia di Bellas Artes Aruba, cuminsando Dialuna 19 di Februari 2018 pa 6.30pm. Dicta pa Styrmir Orn Gudmundsson di Islandia.

Despues di 7 aña ta regresa nos isla Aruba e artista maestro Islandes Styrmir Orn Gudmundsson pa duna un workshop di animación na Ateliers’ 89.

Den e workshop aki di animacion nos ta bay investiga e diferente tecnicanan di animacion, ala “old school” pintatando bukinan pa flip y stop motion fotografia, te cu e mundo digital di GIFS den movimiento y snaps di plataforma di social media. Y e ora ainda nos por bay verdiep nos mes den performance, unda sonido y imagen ta bini hunto den un mundo di sombra di baile, teatro y VJ. Tambe lo nos mira e diferente imagennan anima di pasado, pa asina pone nos mes na altura di e diferente manera di traha den e sistema aki.   E programa ta priminti di ta bay bira hopi interesante y ta lo siguiente:

Siman 1:

Ta bay traha tecnicanan analogo y mira diferente ehemplo di e mundo di filmacion. Nos ta bay siña e participantenan e principionan di animacion, manera e cantidad di frame pa seconde y loque nos wowo cu ta knipper ta capta. E asignamento lo contene trahamento di diferente bukinan di flip y tambe pintura haci na man y con pa incorpora esaki liher den computer pa por edita cu e software necesario.

Siman 2:

Fotografia di Stop motion. E participantenan lo traha cu nan camaranan y celular pa crea stop motion y tambe lo nan bay traha cu animacion di klei. Nos lo traha cu apps di smart phones. Nos punto di salida pa traha nos animacionnan ta elementonan di naturalesa y nos mes un curpa.

Siman 3:

Traha GIFS y SNAPS pa social media. E participantenan lo sigui cu e trabaonan di acercamento di e ultimo simannan. Lo bo develop conocemento ariba e tecnicanan analogo pa asina por crea trabao nobo cu ta pas pa un Campaña di social media.

Siman 4:

Mi lo trece hunto tur locual nos a siña durante e ultimo simannan pa asina por yega na un exposicion di e obranan traha. Nan lo hiba animacion na un nivel mas halto y nobo, na unda teatro di sombra, haciendo VJ y formanan di e planp di trabao pa asina presenta os exprecion.

Pa por inscribi por haci esaki preferibel via e-mail na elvis@ateliers89.com.

E workshop ta pa un luna. y ta di Dialuna pa Diahuebs di 6.30pm pa 9.30pm.  Ateliers ’89 ta situa rechts riba e squina di e crusada di Maria College na Playa. Please incribi awor ya cu cuponan ta limita. Tur esaki haci cu apoyo di Monriaan Fund, UNOCA, Prins Bernhard Culuurfonds Caribbisch Gebied.

 

- Advertisement -

DUNA COMENTARIO

Please enter your comment!
Please enter your name here