Home Hudicial A detene sospechoso den caso asesinato na De Vuyst

A detene sospechoso den caso asesinato na De Vuyst

632
0
SHARE
- Advertisement -

ORANJESTAD(AAN)– Ayera tardi polis a detene un persona riba sospecho di ta envolvi den e morto violento di e hoben S. Sierra riba 3 di November 2017.

E investigacion a haya e codigo “Fist” e tempo ey y tabata conoci como caso Fist.

E sospechoso a wordo poni den detencion y lo wordo hiba e siman aki ainda dilanti huez-comisario.

E victima a wordo haya morto den su cas na De Vuyst.

A resulta cu el a wordo mata.

Un team especial di recherche di Cuerpo Policial di Aruba a investiga e caso aki na forma intensivo y riba escala grandi, bao guia di Ministerio Publico. E resultadonan di e investigacion aki a hiba finalmente pa detencion di e sospechoso.

Relaciona cu e detencion den e caso ‘Fist’, Ministerio Publico di Aruba y Cuerpo Policial di Aruba ta ofrece un conferencia di prensa riba 15 di februari 2018 pa 11’or na Rumbastraat 29 na Camacuri.

Esaki den presencia di procurador-general Alexander van Dam y alto comisario di Polis Adolf Richardson.

- Advertisement -

DUNA COMENTARIO

Please enter your comment!
Please enter your name here