Acuerdo cu Canadian Bank Note tabata necesario pa salba Lotto

    140
    0
    SHARE
    - Advertisement -

    Vice presidente di FLPD Benvinda de Sousa:

    ORANJESTAD   (AAN): Un di e argumentonan cu a wordo uza door di Minister di Deporte Danqui Oduber, den un conferencia di prensa, pa no tin confiansa den e Hunta di Supervision ta cu un di e miembronan, Benvinda de Sousa, ta casa cu un ex Parlamentario di AVP di e ultimo Gobernacion.

    Riba esaki e vice presidente di FLPD Benvinda de Sousa a splica, cu el a wordo lanta door di mayornan cu a siñe respet pa prohimo y semper haci su trabou lo miho posibel. “Nan tabata hendenan sumamente respeta den comunidad y semper mi a sigui nan ehempel,” el a bisa.

    Pa loke ta e expresion cu dos ruman (Edmond y Endy Croes) a bin ta haciendo riba dje, e ta sigui e expresion di su tata kende semper a bisa “de bagazo no se hace caso”, pero asina mes e ta evaluando cu si e expresionnan hostil y baho contra dje sigui tuma luga, ki paso e lo bay tuma, pasobra e mester tene cuenta cu su famia tambe den tur e expresionnan baho.

    Pa loke ta e intencion di di esnan di MEP cu a bisa cu ta evaluando pa bini cu un otro organisacion di Lotto, mirando cu e actual directiva a cera dealnan cu ta perhudica pais Aruba. Si nan kier haci cambio den ley pa bini cu un otro loteria banda di Lotto pa Deporte, laga nan hacie pasobra e ora bo tin competencia. Nan di FLPD ta altanto cu tin un grupo cu kier bira operador di un organisacion di loteria. Pero nan mes mester investiga si ta rendabel pa bini cu un otro loteria, si esey ta loke cu Gobierno kier y Parlamento aproba. E ora lo por tin competencia. Lotto lo sigui cumpli su meta, despues di kita gastonan di operacion y e resto ta bay pa deporte.

    Pa loke e asunto di Canadian Bank Notes, el a bisa cu tempo cu a cera e acuerdo pa operacion, esaki tabata envolvi caba. E actual directiva a hereda e relacion cu Canadian Bank Notes for di e Gobierno anterior. Nan tabata provee e software pa loke ta e weganan y nan tin hopi experiencia den e mundo di operacion di loteria. Aruba no ta e prome loteria cu nan ta opera. Pero e cash flow di Lotto tabata asina precario y ningun banco kier a core e riesgo pa duna financiamento y Canadian Bank Notes a mustra interes den e operacion.

    A drenta e deal cu nan pa salba Lotto pa Deporte y e continuacion den e maneho pa cu deporte. Nan a para garantia pa e debe di e fundacion na Caribbean Mercantile Bank. Lotto ta aportando anualmente 5 miyon florin directamente na deporte. Den pasado no tabata ni yega cerca di e suma aki.

     

    - Advertisement -

    DUNA COMENTARIO

    Please enter your comment!
    Please enter your name here