Home Impuesto Aduana ta splica di con Koper cu tabata drenta na waf no...

Aduana ta splica di con Koper cu tabata drenta na waf no tabata paga impuesto

38
0
SHARE
- Advertisement -

ORANJESTAD(AAN): Tur loke mester drenta Aruba, mester pasa via waf y Douane mester haci su control. E situacion di Venezuela, ta aya e ta tumando luga. Segun director di Douane, Ricky Croes, Douane ta haci su controlnan manera debe ser y semper controlnan ta worde haci.

Un producto cu ta prohibi di worde exporta for di Venezuela, no necesariamente ta prohibi di drenta Aruba. Douane su trabao ta in, uit en doorvoer for di Aruba. Tur loke ta pasa Aruba, si e ta legal, e ta drenta.

E ta dificil pa bay haci trabao di Venezuela, controlando locual no mag sali for di eynan. Si, Aruba ta uitvoerders van de wet y tin cu sigui e maneho. Den e caso cu gobierno of reino por cera un acuerdo cu Venezuela, bisando cu cierto productonan no mag drenta Aruba, e ora tin cu cumpli cu e ley y haciendo nan trabao, par’e.

Croes a sigui splica cu nan tabata tin un lista for di aña pasa. Tabata tin e pregunta kico por ta bin, kico por ta bay. E lista cu tin awor aki ta pa wak con ta mehora e trabaonan na Barcadera. Awor aki esaki a surgi. Tin cu agrega cu e ta algo cu ta den man mas halto, pero e lista cu nan tin eynan, no tin mucho problema cun’e. Ta papia mas tanto di koper. Berdad nan tin un lista di e prohibicion for di eynan.

Pa loke ta e koper cu tabata bin Aruba, no mester a paga impuesto, pasobra ta koper cu tabata destina pa freezone. E tabata bin, haci tur cos legal y bay freezone. For di eynan e ta sali bay afo. Douane tabata tin solamente toezicht pa e drenta freezone y sali. Por lo general no tabata tin un efecto pa Aruba mes, como cu e no tabata worde importa na Aruba.

Awor aki tur cos ta on hold, pasobra Venezuela no ta laga ningun boto sali for di eynan. Tin cu papia pa mira kico ta e decision cu gobierno ta bisa, den caso si tin un boto cu fruta bin na waf. Douane ta traha cu ley y nan ta ehecut’e. Tin cu wak, si e ta klop cu tur cos den ley, e ora no lo por neng’e. Ta bisa cu tin botonan cu por sali di Venezuela. Nan por sali, no sa si ta sali legal of no, pero nan por yega Aruba, carga cu berdura y/of fruta y kier si nan ta worde ricibi.

Croes a splica cu autoridadnan mas halto tin cu dicidi riba esaki. Si bin cu areglonan pa para esey, e ora Douane tin cu ehecuta esey.

Esaki tin efecto, mirando cu hopi boto tabata bin di Venezuela y esey no ta e caso mas. Waf su trabao a baha hopi. Door di esey, tin cu bisa cu casi 90% pa loke ta trata sigur e caida di Venezuela, el a bira menos. Tin algun boto ta bin di Colombia ainda, pero minimal.

E trabao na Barcadera a baha asina hopi cu el a cay net bon pa e proyecto cu a cuminsa cun’e awor aki, pa haya hende di Barcadera pa por yuda, di manera cu comercio no mester para. Comercio ta draai riba esey di un banda. Di un banda no ta haya fruta, pero di otro banda, ta haya mas Douane pa haci e controlnan necesario.

Hopi hende tabata depende di comercio for di Venezuela. Tin diferente comerciante cu tabata haci diferente trabao cu ta depende di cierto importacionnan for di Venezuela. Naturalmente nan tin cu hala nan importacion pa otro luganan, pa kisas cu e lo bay bira mas caro, segun Croes.

Awor aki, mas tanto tur cos ta den mannan mas halto, mirando cu Union Europeo, tin algun sancion contra Venezuela, cu ta pone cu nos, como parti di reino, ta haci e situacion mas tenso.

 

 

- Advertisement -

DUNA COMENTARIO

Please enter your comment!
Please enter your name here