Home Tempo Advertencia pa boto chikito ta sigui na vigor

Advertencia pa boto chikito ta sigui na vigor

15
0
SHARE
- Advertisement -

ORANJESTAD (AAN): Lama bruto ta sigui influencia rond di Aruba!  Pesey keto bay pa awe, un aviso pa boto chikito ta na vigor.

Pronostico di tempo pa awe ta mustra cu lo no bay tin cambionan significante den e tipo di tempo cu tin actualmente.  Temporalmente mas nubia lo pasa riba region local, cu chens e ora ey pa localmente un awacero breve.

Madruga y mainta lo por  tin un awacero pasahero.  Den dia lo ta parcialmente nubla cu localmente un awacero.

Biento ta modera te basta fuerte for di Pariba te Oost-Noordoost, entre 20 y 39 km/h.  Den dia, of durante awacero, biento ta fuerte te duro entre 40 y 61 km/h.

Olanan di lama lo ta for di direccion Oost-Noordoost cu altura di 6 te 10 pia.  E olanan di mas halto lo ta na costa panort te Noordwest di e isla.  Ta pidi esnan cu ta bay den boto chikito pa tene esaki na cuenta y procede cu cautela riba lama grandi.  Pesey un aviso pa boto chikito ta keto bay na vigor.

DIARIO a nota cu e yobida di ultimo dianan, a laga suelo di e isla hopi satura.  Por mira masha hopi plas di awa tanto banda di caminda, cu no ta desaparece asina facil mas.  Hopi caminda tambe tin plasnan grandi di awa, y pesey un suplica ta bay na chauffeurnan pa tene cuenta cu esaki.

- Advertisement -

DUNA COMENTARIO

Please enter your comment!
Please enter your name here