Home Policial Afpakteam a confisca Villa durante razzia na Saliña Cerca

Afpakteam a confisca Villa durante razzia na Saliña Cerca

887
0
SHARE
- Advertisement -

ORANJESTAD (AAN): Manera DIARIO a trece dilanti caba, e razzia teni Diaranzon 7 di Februari den oranan di mainta na un villa na Saliña Cerca, a produci dos detencion.

A resulta cu ta Afpakteam a tene eaccion grandi, conhuntamente cu Marechaussee (Kmar) y Ministerio Publico di Hulanda.

Durante e razzia a pone beslag riba droga, varios arma di candela y un cantidad di placa cash. Ademas a pone beslag riba tres auto y tres scooter. E villa mes tambe a worde tuma den beslag. Dos detencion en total a worde haci. E investigacion ta andando keto bay.

Tur e beslag lo cay na e fondo di combatimento di criminalidad (Criminaliteitsbestrijdingsfonds). Placa di e fondo aki ta worde usa pa promove combatimento di criminalidad. Di e manera ey e ganashi di e accion aki ta cay directamente na benificio di Aruba. Afpakteam kier aporta na un forma visible na e fondo.

Afpakteam ta un cooperacion di Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di departamento di Impuesto (DIMP), FIOD (Fiscale Inlichtingen- en Opsporingsdienst), Koninklijke Marechaussee (KMar), Kustwacht di Aruba, Meldpunt Ongebruikelijke Transacties (Meldpunt) y RST. Afpakteam a cuminza traha prome di maart y ta dedica su mes na combati criminalidad financiero-economico. Crimen no ta paga!

Pa tuma contacto cu Afpakteam: afpakteam@kparuba.com of via tiplijn na 111-41.

- Advertisement -

DUNA COMENTARIO

Please enter your comment!
Please enter your name here