Home Cultura Apertura di exposicion di fotografia ‘Nostalgia’ na Biblioteca Nacional

Apertura di exposicion di fotografia ‘Nostalgia’ na Biblioteca Nacional

19
0
SHARE
- Advertisement -

ORANJESTAD (AAN): Recientemente a tuma lugar apertura di exposicion di fotografia ‘Nostalgia’ na Biblioteca Nacional, Isa Brown, organizador di exposicion di fotografia ‘Nostalgia’, a splica cu intencion di e expo aki ta pa trece concientizacion di e comunidad Aruba riba tur e cas y edificionan bandona na Aruba.

Hopi biaha ora nos ta wak un cas of edificio bandona, ta bin pensamento riba kico por a pasa, di con esaki ta bandona, di con nan no ta wordo uza mas, ken tabata biba eynan y ki storia tin su tras. Loke nan kier a haci ta trece un enfoke riba esey, pasobra hopi biaha nos ta papia riba dje pero nada ta wordo haci pa concientiza.

Segun Sra. Brown, nan a haya e oportunidad pa uza e film di Pamela Decoteau, kende a produci un bunita pelicula relaciona cu casnan bandona na aña 2016, na unda el a gana premio di ‘Best Producer’ di Short Film Festival.

Den e pelicula, el a documenta tur cas rond di Aruba y el a duna e casnan un ‘personalidad’ y un sentimento di soledad y nostalgia. Nan a dicidi di incorpora esaki den e exposicion.

Sra. Brown ta enfatiza cu ta hopi importante pa educa comunidad, specialmente studiantenan pa asina nan haya sa un tiki mas di nan historia y pa nan ta conciente pa den futuro aprecia y balora mas loke nan tin, y pensa mas riba union familiar.

- Advertisement -

DUNA COMENTARIO

Please enter your comment!
Please enter your name here