Home arte y espectaculo Artista di Tibet lo duna presentacion di Arte y Pintura Diamars awor...

Artista di Tibet lo duna presentacion di Arte y Pintura Diamars awor na Aruba

17
0
SHARE
- Advertisement -

ORANJESTAD (AAN): E artista di Tibet Karma Phuntstok lo duna presentacion relaciona cu Arte y Pintura Thanka, den cuadro di Dia Internacional di Idioma Materno.

Mirto Laclé, gestor cultural hunto cu Biblioteca Nacional Aruba, Departamento di Cultura Aruba y Instituto Pedagogico Arubano ta invita pueblo pa Diamars 20 di februari pa 6:30 di atardi na Biblioteca Nacional Aruba pa un anochi relaciona cu e Arte y Pintura Thanka.

Drs. Mirto Laclé lo duna un introduccion, entre e relacion Idioma (literatura/lingüista) y Arte (pintura).

Loke ta Thanka Painting.  Un tangkastnet, tambe deletrea thangka, tanghka, thanka, ta un pintura Tibetano Budhista riba catuna, seda, appliqué of cuero humano. Usualmente ta trata di imahen di un deidad (dios), escena of mandala Budhista.

Encuanto e artista Karma Phunstok:  Karma Phuntsok a nace na Lhasa, Tibet. Hunto cu su famia e mester a hui durante e lantamento di China contra Tibet na 1959. E famia a hui pa India como refugiado. Karma a studia pintura y e arte di pintamento na India.

Na aña 1973 el a studia Thanka Painting cu un maestro di Thanka Painting tradicional na Nepal.

Desde e tempo ey e artista Karma ta produci e arte di pintura aki basa riba deidadnan (diosnan) Budhista Tibetano.

Na 1981 Karma a migra pa Australia y awendia e ta biba den “Bush” (naturalesa) parti nord di Kyogle cu su casa y yiu. Coleccionistanan di henter mundo ta adkiri su pinturanan. Su pinturanan a keda publica den varios revista. Su pinturanan recien experimento na unda ta entrelasa e tecnicanan y simbolonan tradicional cu inspiracionnan moderno.

E arte di e artista Karma Phuntsok ta un expresión unico y dinamico di Arte Budhista contemporáneo. Aunke formá como un pintor di Thanka Tradicional formalmente, Karma ta aplica diferente técnica y material den su obra, mientras e ta crea expresionnan futurístico di “Craft Time-honoured”(E  asina denomina Creaccion di Honra Tempo).

E beyesa vislumbrante y rikesa cu ta duna  su obra bida ta keda influencia pa su experiencia di bida diferente, desde su infancia na Tibet bou opresion Chines te cu su bida como refugiado na India y tambe su bida amoroso den Naturalesa (“Bush”) y e veneración cu cual e ta tene su “Holiness” (Fe) den Dalai Lama.

E artista Karma ta aclama internacionalmente. Su obranan ta plama rond mundo den coleccionnan priva y den galeria. Entre otro na Galeria di Arte na Australia y na New South Wales y Queensland Art Gallery.  Articulo skirbi pa David Templeman (traduccion Mirto Laclé)

- Advertisement -

DUNA COMENTARIO

Please enter your comment!
Please enter your name here