Home Deporte Aruba a gana e di 7 TK5 di Taekwondo na Surinam

Aruba a gana e di 7 TK5 di Taekwondo na Surinam

29
0
SHARE
- Advertisement -

ORANJESTAD(AAN) Diabierna ultimo a tuma luga e di 7 TK5 na Surinam. Aruba a participa cu un team di Cadet den TK3 y un team di Junior den TK5.

E team di TK3 team a consisti di Joshua Klabér, Jahmani Eisden y Rasheed Lowe y nan a topa cu Surinam. Joshua Klabér a topa cu Thakoer y Thakoer a coy bentaha cu un score di 5-1. Jahmani Esiden y Rasheed Lowe a trata di bolter e puntonan, pero Surinam a domina e pelea y Aruba a perde cu un score di 44-33.

Aruba su team di Junior a consisti di Raoul Baarn, Nathan Fradl, Hakeem Lowe, Záhyon Klabér y Shaquille Barry y nan a enfrenta e prome team di Surinam.

Aruba su team di Junior a sali rabia y a bombardia e Surnameñonan lagando nan atras cu un score di 24-6 den e prome rond. Aruba su team di Junior a sigui den e di dos y ultimo rond y a sigura nan participacion den final ganando cu un score di 79-17.

Den final Aruba a topa cu Surinam y nan miho bringado German Altman cu ta bon conoci aki na Aruba. Den e prome rond e score tabata 15-8. Den e ultimo rond Aruba a logra score mas punto y a gana e copa di e di 7 TK5 cu un score di 38-19. Logrando e copa di e di 7 TK5 na Surinam a duna su fruto di tur e training duro nan.

Nos kier gradici Lotto pa Deporte pa nan sosten cu a haci posibel pa e team aki por a biaha pa Surinam. Nos ta gradici nos pueblo cu ta sostene tur e actividadnan di Brazil Taekwondo Stichting pa recauda fondo.

- Advertisement -

DUNA COMENTARIO

Please enter your comment!
Please enter your name here