- Advertisement -
ORANJESTAD (AAN): Hopi hende na Aruba tabata ayera pendiente di e presentacion di nos artista internacional Jeon durante Premio Lo Nuestro. For di algun dia caba tabata tin imagennan di Jeon durante e ensayonan na Miami y ayera por fin por a wak nos arubiano strea Jeon cana riba e “red carpet” pa despues wordo mira pa miyones di persona na Latinoamerica y Caribe riba stage.
Por a sinti hopi orguyo tambe di por a mira Jeon su nomber wordo menciona den e Opening Credits di e 30 Edicion di Premio Lo Nuestro… pa despues wak’e riba stage cu un presentacion spectacular meymey di bailarinnan y e famosonan JBalvin y Anitta.
Sigur esaki lo keda graba den e memoria di tur e arubianonan, kendenan a bira emocional riba social media. Tremendo Jeon!
- Advertisement -
