Home Enseñanza Asina Aruba a celebra e Dia di Lenga Materno

Asina Aruba a celebra e Dia di Lenga Materno

26
0
SHARE
- Advertisement -

ORANJESTAD (AAN): Diaranzon dia  21 di Februari ta Dia Internacional di Lenga Materno.

Diaranzon anochi mes na Biblioteca Nacional Aruba, a tene un celebracion Dia Internacional di Lenga Materno. E ta organiza pa Fundacion Lanta Papiamento hunto cu DCA.

Na e ocasion aki, tabatin poeesia, charla, premio, exposicion y musica.

Nos idioma Papiamento, ta nos idioma materno, hunto cu nos himno, bandera, escudo y moneda ta forma parti di nos identidad. Papiamento ta un idioma crioyo. Esaki ta un idioma cu ta nace ora cu dos of mas grupo di hende, cu ta papia diferente lenga ta topa otro. Nan ta crea un idioma nobo pa por comunica cu otro. Si e idioma nobo aki bira idioma materno, nos ta yam’e un idioma crioyo.

Idioma Papiamento mes ta un bunita cristal interesante y dinamico!

Papiamento na Aruba, ta e idioma oficial banda di Hulandes. Esaki ta nifica cu tur habitante por skirbi un carta oficial of inoficial, tanto na Papiamento como na Hulandes.

Pa bo mantene un pueblo uni, ta ideal pa e Gobierno di e pais tin como maneho pa stimula nan habitantenan pa respeta y balora e simbolonan nacional di un pais, cu ta e bandera, escudo, himno, moneda y idioma nacional, etc.

Nos idioma nacional ta un di e simbolonan nacional di identidad esencial cu ta forma parti di nos herencia cultural y cu ta e vehiculo mas uza como medio di comunicacion.

Papiamento ta un idioma autoctono importante pa salvaguardia y duna mayor atencion riba Dia Internacional di Lenga Materno.

Riba Dia Internacional di Lenga Materno ta importante pa nos como Arubiano y nos di DCA pone enfasis riba cuida, promove y stimula su bon uzo di nos idioma materno Papiamento.

Den nomber di DCA, bou auspicio di Ministerio di Cultura ta expresa palabra di Pabien na cada Arubiano unda cu bo por ta, cu bo Idioma Materno Papiamento riba Dia Internacional di Lenga Materno.

Un danki na tur e comisionnan, voluntario, docente di Papiamento y docentenan, Departamento di Enseñansa, directivanan di school, papiamentista, linguista, Fundacion Lanta Papiamento y otro fundacionnan, na Gobierno di Aruba y na nos Minister di Enseñansa sr. dr. Rudy Lampe cu a dedica 2018 Aña di Papiamento.

 

- Advertisement -

DUNA COMENTARIO

Please enter your comment!
Please enter your name here