Home Suceso Autobus yen di mucha di scol envolvi den accident

Autobus yen di mucha di scol envolvi den accident

401
0
SHARE
- Advertisement -

ORANJESTAD (AAN): Tabata Diabierna merdia algo despues di 2’or, cu autoridad a haya informacion cu un accident a socede na Savaneta, y cu tin hopi mucha envolvi.

E accident mes a keda registra den area di Piscina Olympico Roly Bisslik.  E muchanan tabata abordo di un Mitsubishi Autobus color cora.  Mayoria di e muchanan ta alumno di scol basico Colegio Sagrado Curazon.

Chauffeur di Ford Escape color cora cu number A-18471 no a laga e Mitsubishi Autobus caba di lora, y el a bay dal na banda. E chauffeur di e Autobus a hala kita hasta subi acera pa evita impacto.  Pero esey tabata envano.

E chauffeur na stuur di e Ford Escape, tabata visiblemente bao influencia.  Pesey agentenan Policial a detene.

Den e autobus tabatin cantidad di mucha di diferente school, mayoria di Sagrado Curason. Dos mucha a resulta herida, y a ricibi tratamento di Paramediconan. Un a keda hiba Centro Medico na ImSan pa checkup.  E otronan a djis haya un spanto, pero a wordo calma door di esnan den e area.

 

- Advertisement -

DUNA COMENTARIO

Please enter your comment!
Please enter your name here