Home Parlamento AVP ta opina cu Gobierno nobo ta abusando di fondo publico pa...

AVP ta opina cu Gobierno nobo ta abusando di fondo publico pa tuma bodyguards

34
0
SHARE
- Advertisement -

ORANEJSTAD (AAN); Segun AVP, parti di un maneho financiero responsabel ta controla bo gastonan y basa nan riba prioridad. Asina bo lo evita malgasta fondo publico innecesariamente. Esaki tabata un di e tres puntonan cardinal cu partido MEP a presenta den campaña pa soluciona e retonan financiero.

Gabinete Wever-Croes ta demostrando cu accionnan cu nan ta iresponsabel y no tin principio pa mantene of hiba un maneho financiero diligente teniendo cuenta cu placa di pueblo. No obstante cu di un ausencia solemne di un maneho financiero concreto, nos por a tuma nota cu den e prome 4 lunanan di gobernacion e gabinete actual a crea un cantidad di funcionnan cu no ta parti di despacho di minister.

E prome funcion cu tabata uno hopi cuestionabel ta esun di un maestro di ceremonia cu ta presenta e ministernan di Gabinete Wever-Croes prome cu nan hiba palabra durante conferencia di prensa. Pa hopi aña largo tal funcion nunca a existi y e trabao tampoco por worde considera como uno di prioridad halto. Esaki ta nifica automaticamente cu bo a crea un peso financiero totalmente innecesario pa e pueblo di Aruba.

Recientemente por a constata cu mas funcioNnan cuestionabel a worde crea pa Gabinete Wever-Croes. For di un documento cu a bay viral por a conclui cu a crea funcionnan di bewakers pa minister, politiek liaisons y tambe personanan adicional pa protocol cual ta servicionan centralisa den Gobierno. Loke ta cuestionabel ta e hecho cu si e persona nan nombra tin e preparacion necesario pa eherce dicho funcionnan.

Hecho ta keda si cu nunca a aloca fondonan pa ministernan cana cu bodyguards, mucho menos crea un funcion nobo di “liaison” como capa pa por emplea personanan cu e meta di defende ministernan di Gabinete Wever-Croes y worde uza pa persigui ciudadanonan cu tin un otro opinion di con e gobierno ta manehando nos pais.

No ta keda nos nada otro pa categorisa e accionnan aki di e gabinete actual como un maneho iresponsabel, malgasta placa di e pagado di belasting y re-activacion di politica di ‘friends and family’ cual lo tin consecuencianan financiero pa e pueblo mientras cu un plan concreto pa finanzas publico manera a worde priminti den campaña ta keto bay “in the making”.

 

- Advertisement -

DUNA COMENTARIO

Please enter your comment!
Please enter your name here