Home General Awor cu KIA a cambia di director a bin un retraso di...

Awor cu KIA a cambia di director a bin un retraso di trabaonan den e jaarplan

80
0
SHARE
- Advertisement -

ORANJESTAD(AAN): Cos ta manera trankil na Prison di KIA, y Edmundo Marlin di Sindicato SEPPA ta splica cu awor aki, despues cu e director Tjon a bay, awor tin  un persona cu tin e leiding awor aki na e Instituto Coreccional.

Pero locual a sosode ta, a keda atras trabaonan cu mester worde caba. Tabata tin locual cu ta yama un Jaarplan, y den e jaarplan ta duna specificamente kico tin cu worde haci pa 2018. Basa riba esey, SEPPA ta bezig ta monitor locual ta para riba e jaarplan eynan, si eseynan ta worde ehecuta.

Un di e preocupacionnan di e trahadonan ta, ta na momento cu e Gobierno anterior a bin cu e reorganizacion nobo y a bin cu e salarisstructuur nobo, na cierto momento a tuma e decision cu tin cu worde ehecuta y te cu awe, esey no a sosode. Esey ta un di e preocupacionnan di e trahadonan cu ki momento esakinan lo sosode.

SEPPA a manda un carta pa minister di husticia, solicitando un reunion. A mande dos carta, cual te asina leu no a haya contesta riba dje, pa por sinta y wak e situacionnan aki tocante e reorganizacion nobo cu a tuma luga, y e salarisstructuur cu tin cu worde ehecuta ainda, pero cu a pasa den ministerraad, segun cu SEPPA tin di compronde.

Cu KIA ta sin director, e instituto ta worde maneha toch. Locual pa SEPPA ta importante, ta locual e trahadonan mester pa nan traha, esta material, promocionnan cu tin cu worde regla y e partinan caminda cu ta wak cu ta e siguridad pa tanto e trahado y e detenidonan cu mester ta na su luga cu actualmente e camararoom ta up and running. Tin hopi otro cos mas cu tin cu worde ehecuta. Pesey mes Marlin a splica cu tin e jaarplan 2018. Pesey SEPPA ta bezig ta monitor, pa wak loke a worde palabra, pa worde haci na 2008, si esey nan ta bay tuma luga. Pesey kier e reunion cu e minister, pa wak cu locual a worde planea, si minister ta bay ehecuta nan. No sa kico su maneho lo bay ta, pasobra esaki tabata un beleid di e gobierno anterior. Si e ta bay sigui cu e mesun plannan cu tabata tin, cu tabata riba papel caba pa worde ehecuta e aña aki, si e ta bay sigui cu nan, sino, kico su plannan ta pa KIA.

E presion riba siguridad di KIA tey ainda. Pesey awor aki, pa SEPPA ta importante cu mester tin e personal y e material necesario pa eherce e trabao manera mester ta, segun Edmundo Marlin.

Loke a worde papia di dje tambe ta e opleidingnan cu mester tuma luga pa upgrade e personal na e nivel cu nan mester ta, segun CPT. Despues cu nan a bin haci audit na Aruba, pa bisa con e personal, na ki standard nan mester ta pa eherce e trabaonan, conforme e normanan.

E problema cu tin ta cu e infrastructura ta un problema. Tambe falta di material, como tambe mester di opleidingnan aki y por ultimo falta personal. Esey ta un problema cu KIA ta canando pa varios aña caba. Marlin a menciona cu ta depende kico e Gobierno su posicion ta bay ta pa KIA awor aki y organizatiestructuur cu a acorda caba, si Minister dicidi cu ta bay atende na esey.

Si e atende su mes na esey, eyden tin exactamente buta cuanto personal tin mester pa bo draai bo organizacion. Actualmente ta bao di e bedrag eynan.

Automaticamente ta bay tin mester di bin cu e opleidingnan, pero no ta bay haya e montante den un solo biaha. Ta cada aña ta tanto hende tin cu buta aden. E sistema nobo con ta bay duna e opleiding awor aki, ta un sistema cu e trahado eynan ta bay opleiding pa tres aña. Automaticamente e ta bay tuma hopi tempo pa bo yega na e montante.

Banda di esey tin cu bay wak tambe e situacion caminda cu na mesun momento ta tumando den servicio, pero tambe tin gruponan na cierto momento cu ta baha bay cu pensioen. Nunca bo ta yega na e cantidad cu bo tin mester, segun Edmundo Marlin di SEPPA.

- Advertisement -

DUNA COMENTARIO

Please enter your comment!
Please enter your name here