Home Salud AZV hunto cu HAVA a trece uniformidad den e practica di docternan...

AZV hunto cu HAVA a trece uniformidad den e practica di docternan di cas

15
0
SHARE
- Advertisement -

Director drs. Anko Ringeling:

ORANJESTAD (AAN) – Director di AZV drs. Anko Ringeling a yama un conferencia di prensa, Diamars atardi, den presencia di dos miembro di Asociacion di Docternan di Cas. Ademas tabata presente dr. Samuels.

Nan ta dr. Suyen Sneek, Presidente di e Comision encarga pa bin na un reglamentacion pa e docternan di cas, y dr. van Tright, Presidente di HAVA.

Drs. Ringeling a comparti cu pueblo, pa medio di prensa, cu tin algun palabracion a wordo haci door di e Asociacion di Docternan di Cas, tocante e manera con e pacientnan por acerca e practica di e docternan di cas y kico por nan por spera.

E ta encera cosnan masha concreto mes, director di AZV a expresa, por ehemplo con pa haci un afspraak, e horario cu docternan di cas ta accesible, entre otro.

Ringeling a splica cu e meta tras di esaki ta pa trece mas uniformidad den e diferente practicanan di docternan di cas, den sentido cu cada un tin diferente manera di organiza su practica.

No ta trata aki cu tur docter ta bay haci mesun cos, pero den aspectonan basico si e idea ta pa trece mas uniformidad den sentido cu si un asegurado di AZV haci cambio di docter di cas, e por spera di wordo trata di un cierto manera.

AZV, conhuntamente cu HAVA, a traha un poster den cual, locual a wordo splica den e conferencia di prensa, tambe ta skirbi pa su distribucion di manera cu tur ciudadano por ta na haltura di locual a keda palabra.

- Advertisement -

DUNA COMENTARIO

Please enter your comment!
Please enter your name here