Home Salud AZV ta introduci dos docter di cas nobo: Usha Ramsharan y Corina...

AZV ta introduci dos docter di cas nobo: Usha Ramsharan y Corina Rolfast

341
0
SHARE
- Advertisement -

Sra. Solange Tchong, PR:

ORANJESTAD (AAN)—Sra. Solange Tchong, Relacionista Publico di AZV, den conferencia di prensa a trece dilanti un biaha mas, un recordatorio pa e aseguradonan.

Esaki ta cu tur aña e lunanan di Maart y September ta esnan pa haci cambio di docter di cas.

Actualmente tin dos docter di cas nobo cu AZV ta introduci cu ta dr. Usha Hoelas-Ramsharan, cu ta bay cuminza dia 1 di Maart den Oficina di dr. Rolyn Angela na Caobastraat-2, Ponton.

Tur asegurado interesa pa inscribi cerca e docter aki por haci esaki door di acudi directamente na su oficina mes.

E siguiente docter di cas cu ta bay cuminza entrante dia 1 di April, ta Corina Rolfast. Esaki ta nifica cu AZV ta duna oportunidad na tur pacient cu kier inscribi cerca dje haci esaki.

E docter aki ta bay traha den Oficina unda actualmente dr. Vianca de Cuba ta trahando, na Dakota. AZV, como un excepcion e aña aki, lo brinda e oportunidad pa pacientnan interesa por inscribi entrante 1 di April na su oficina pa inscribi.

Sra. Tchong a indica cu aña pasa na September, AZV no por a duna mucho oportunidad pa haci cambio di docter di cas, pa motibo cu hopi di nan tabata hopi yen caba y e cuponan tabata solamente pa parehanan cu tabata haya baby, of personanan cu a bin nobo na Aruba.

Na e aseguradonan cu aña pasa y e aña aki a puntra AZV pa cambio di docter di cas, e informacion aki cu tin dos practica completamente nobo aki.

- Advertisement -

DUNA COMENTARIO

Please enter your comment!
Please enter your name here