Home Suceso Candela na Aureus University na Wayaca

Candela na Aureus University na Wayaca

42
0
SHARE
- Advertisement -

ORANJESTAD  (AAN):  Cu urgencia unidad di bombero a keda despacha na Aureus University situa na Wayaca cu ta un scol di medicina unda na e di tres piso ariba tabata tin candela .

Segun informe eynan tin kimiconan tambe den e luga. Esaki a pone tur studiante a sali di biaha y bomberonan a yega di pa drenta accion y combati e candela aki.

Polis tambe a presenta pa asina pone tur studiante y docente para un distancia pa evita lo peor.

Bomberonan a hayanan ta core slang for di caminda pa e lugar pa asina tin mas awa. Recherche tambe a keda poni na altura pa presenta pa haci nan investigacion.

Te cu awo no ta conoci precisamente kico tabata e causa di e candela aki. Mientrastanto, segun informacion adicional, na e lugar a scucha con algun glas tabata kibra den e sala di computer debi na e candela.

E area rond di e scol a permanece cera te merdia pa asina percura pa e seguridad di esnan den e area.

Como mitar di Piso 3 a bay perdi den e candela.  Incluyendo e Laboratorio di Histopatologia, unda tur microscoop a bay perdi.  Tambe e computer room di 30 computer.  Tres klas lokaal tambe.  Y tambe tin Laboratorio di Flebotomia.  Oficina di SBG tambe ta na di tercer piso.

- Advertisement -

DUNA COMENTARIO

Please enter your comment!
Please enter your name here