Home Cultura Carnaval di Macedonia a celebra “Aruba Night”

Carnaval di Macedonia a celebra “Aruba Night”

189
0
SHARE
- Advertisement -

ORANJESTAD (AAN): E aña aki, Marcia Stamper a celebra e hecho cu e ta miembro pa 25 Aña caba di Federacion Europeo di Carnaval, esta FECC.

Y pesey, Marcia cu su grupo, tabata presente di 16 pa 19 Februari reciente, na e Carnaval di Strumica na Macedonia.  Aki Marcia a cuminsa celebra su di 50 aña como Carnavalista activo di Aruba.  Y pa su celebracion, su bon amigo President di FECC Carnaval a ofrece un “Aruba Night”, despues di Parada di Carnaval na Macedonia.  Y e “Aruba Night” aki a resulta fabuloso.

Diferente persona di Aruba activo den Carnaval a haci e viahe pa Macedonia. E dos bailarinanan a acompaña un joven cantante di Soca di San Nicolas Denzel Browne cu ta studia na Hulanda.

Stamper a usa e oportunidad aki pa promove Aruba y su talentonan na Europa anto voluntariamente.  El a hasta yuda un participante cu parti di su ticket pa e por a bay.

Otro aña e ta cumpli 35 aña cu e ta representa Aruba voluntariamente mi so of cu su grupo di Carnaval Internacional.

E biaha aki, Marcia Stamper a ricibi un Medaya di Oro for di FECC International Board pa su Celebracion di 50 aña como Carnavalista y pa tur su trabaonan voluntario pa Aruba na Europa.  Nan a haci esey, como cu e ta un plus punt pa nos organizacion di FECC tambe.

Riba potretnan por mira e.o. e President di FECC International Henk van der Kroon esun di estatura halto y President di Carnaval di Strumica Macedonia, esta sen. Aleksandar Cicimov y alavez e ta tesorero di FECC International Board.  Nan ta Stamper su bon amigonan pa 25 aña.

E aña aki, Marcia Stamper ta celebra tambe 25 aña di ta miembro di FECC pa Aruba y Hulanda.  E mes tin 12 aña miembro di bestuur di FECC Hulanda den 3 termino pa Caribbean Affairs.

Riba mi peticion paso mi ta di Caribe Hulandes Aruba nos organizacion a cambia di nomber y bira, FECC Der Nederlanden.

E potretnan ta mustra e escenario, unda por a mira tambe Alcalde di Ciudad di Strumica (Macedonia), esta sen. Kosta Yaneski, kende ta e Alcalde nobo di ciudad di Strumica.  E Alcalde saliente tambe un bon amigo, y e mes a bira Minister President di Macedonia aña pasa.

Riba potret por mira na man drechi e Alcalde saliente sen. Zoran Zaev na man drechi cu a bira Minister President di Macedonia na 2017.Y na man robez President di Carnaval Aleksandar Cicimov.

E sorpresa durante parada cu e grupo di Aruba a topa poster di nos DJ Bryan d’soca Lyon di San Nicolas, Aruba. El a bira popular na Strumica for di aña pasa.

Por mira tambe Marcia Stamper cu su yiu muher Saira Koolman y Alcalde Kosta Yanevski durante Parada di Carnaval di mucha nan.

Por mira tambe e Prins y Pancho di Marcia su Grupo. Prins “Aruba” (cantante) Denzel Browne y Pancho “Ariba” ta Xandro Hooker.

Marcia a indica na DIARIO, cu e tin varios presentacion pa e aña aki confirma y pendiente. Y pa durante aña 2019 y ya caba dos presentacion confirma pa 2020!

- Advertisement -

DUNA COMENTARIO

Please enter your comment!
Please enter your name here