Home Policial Chauffeur a pasa straight den Caya Grandi dal den mata

Chauffeur a pasa straight den Caya Grandi dal den mata

267
0
SHARE
- Advertisement -

ORANJESTAD(AAN): Diamars den oranan di marduga entre 1or y 2or a sosode un accidente. Prome informacion tabata cu un auto a bolter banda di Botica Oduber na final di Caya Grandi.

Den menos cu un minuut e patruya di Oranjestad tabata tey. A topa un homber drumi riba e railnan di e tram.  E auto mes, un Ford Focus Hatchback blanco cu number A-51991 a keda pega contra un palma.  Ta bisto cu el a bin pariba den verboden, pasando dilanti edificio di Nicki Habibe.

E homber tabata herida y a bisa di ta chauffeur di e auto. El a pasa bay ariba den Caya Grandi y sigui straight banda di RBC y dal den e mata cu tin dilanti di Botica Oduber.

E chauffeur tabata core hopi duro pasobra e impacto tabata basta fuerte.  El a haya golpi durante e accident, principalmente na su pianan, cu tabata sangra tambe.

Polis a logra papia cune mientras ambulance a yega na e lugar.  El a haya menos golpi na parti ariba di su curpa, debi cu e airbag di e auto a activa.

 

- Advertisement -

DUNA COMENTARIO

Please enter your comment!
Please enter your name here